പാലാ: ഓഫ് റോഡ് ജീപ്പ് ഓട്ടമത്സരത്തിലെ താരം റിയാ മേരി ബിനോ (24) എന്ന റിയ ചീരാംകുഴി ഇനി പാലാ നഗരസഭ എട്ടാം വാര്‍ഡിന്റെ 'ഡ്രൈവിങ് സീറ്റില്‍'. ഓഫ് റോഡ് മത്സരങ്ങളിലെ പതിവ് താരമായ റിയ കോണ്‍ഗ്രസ് അംഗമായാണ് വിജയിച്ചത്.

To advertise here,

10-ാം വാര്‍ഡില്‍ എല്‍ഡിഎഫ് സ്ഥാനാര്‍ഥിയായി മത്സരിച്ച അച്ഛന്റെ സഹോദരനും നിലവിലുള്ള നഗരസഭാംഗവുമായിരുന്ന ജോസി ചീരാംകുഴി പരാജയപ്പെട്ടിരുന്നു.

കേരളത്തിലെമ്പാടും നടന്ന 15 ഓഫ്‌റോഡ് മത്സരങ്ങളില്‍ റിയ മത്സരിച്ചിട്ടുണ്ട്. ബിരുദമെടുത്തശേഷം ടിടിസി പാസായ റിയ പാലായിലെ സ്വകാര്യസ്‌കൂളിലെ അധ്യാപികകൂടിയാണ്.

ചീരാംകുഴി ബിനോ-ആശ ദമ്പതിമാരുടെ മകളാണ്. അച്ഛനെയും അദ്ദേഹത്തിന്റെ സഹോദരനെയും പിന്‍പറ്റിയാണ് റിയ ഓഫ് റോഡ് മത്സരങ്ങളുടെ ട്രാക്കിലെത്തിയത്. കോണ്‍ഗ്രസ് സ്ഥാനാര്‍ഥിയെ തേടിയപ്പോള്‍ ചീരാംകുഴി കുടുംബത്തിന്റെ പാര്‍ട്ടി പാരമ്പര്യംകൂടി പരിഗണിച്ചാണ് റിയയെ സ്ഥാനാര്‍ഥിയാക്കിയത്.