ന്യൂഡൽഹി: ഹരിയാണ നിയമസഭാ തിരഞ്ഞെടുപ്പിൽ കോൺ​ഗ്രസ് തരംഗമെന്ന് എക്സിറ്റ് പോൾ ഫലങ്ങൾ. ധ്രുവ് റിസർച്ച്, ദൈനിക് ഭാസ്കർ, പീപ്പിൾ പൾസ്,റിപ്പബ്ലിക് സർവേകൾ സംസ്ഥാനത്ത്  കോൺ​ഗ്രസ് കേവല ഭൂരിപക്ഷം നേടി അധികാരത്തിൽ എത്തുമെന്ന് പ്രവചിക്കുന്നു. 

To advertise here,

ഹാട്രിക് ലക്ഷ്യമിട്ട് തിരഞ്ഞെടുപ്പ് ​ഗോദയിലേക്കിറങ്ങിയ ബിജെപിക്ക് കനത്ത തിരിച്ചടിയാണ് എക്സിറ്റ് പോളുകൾ പ്രവചിക്കുന്നത്. 2014-ലെ മോദി തരം​ഗത്തിൽ 47 സീറ്റുകൾ സ്വന്തമാക്കിയാണ് സംസ്ഥാനത്ത് ആദ്യമായി ബി.ജെ.പി അധികാരത്തിലേറിയത്. 2019-ലും അധികാരം നിലനിർത്തി. 

അതേസമയം തിരിച്ചുവരവ് പ്രതീക്ഷിച്ച കോൺ​ഗ്രസിന് വൻ പ്രതീക്ഷ പകരുന്നതാണ് എക്സിറ്റ് പോൾ ഫലങ്ങൾ. അഗ്‌നിവീർ പദ്ധതി, കർഷക പ്രതിഷേധം, ​ഗുസ്തി താരങ്ങളുടെ സമരം തുടങ്ങിയ വിഷയങ്ങൾ ഉയർത്തിക്കാട്ടി പ്രചരണത്തിനിറങ്ങിയ കോൺ​ഗ്രസ് ഭരണവിരുദ്ധവികാരം തുണയാകുമെന്ന ആത്മവിശ്വാസത്തിലാണ്. ഇത്തവണ കേവലഭൂരിപക്ഷം നേടുമെന്നാണ് എക്സിറ്റ് പോൾ റിപ്പോർട്ടുകൾ.

ദൈനിക് ഭാസ്കർ
കോൺ​ഗ്രസ് - 44-54
ബിജെപി - 15-29
ജെജെപി - 0-1
മറ്റുള്ളവർ - 4-9

പീപ്പിൾ പൾസ്
കോൺ​ഗ്രസ് - 49-61
ബിജെപി - 20-32
ജെജെപി - 0
മറ്റുള്ളവർ - 3-5

ധ്രുവ് റിസർച്ച്
കോൺ​ഗ്രസ് - 50-64
ബിജെപി - 22-32
ജെജെപി - 1
മറ്റുള്ളവർ - 2-8

റിപ്പബ്ലിക് 
കോൺ​ഗ്രസ് - 55 -62
ബിജെപി - 18-24
ജെജെപി - 0-3
മറ്റുള്ളവർ - 3-6