വിവിധ ദേശീയ നിയമ സര്‍വകലാശാലകളിലേക്കുള്ള പ്രവേശനത്തിനായി നടത്തുന്ന കോമണ്‍ ലോ അഡ്മിഷന്‍ ടെസ്റ്റിനായുള്ള (CLAT) രജിസ്‌ട്രേഷന്‍ നടപടികള്‍ ഉടന്‍ അവസാനിക്കും. നിയമ കോഴ്സുകള്‍ പഠിക്കാന്‍ ആഗ്രഹിക്കുന്നവര്‍ക്ക്‌ ഔദ്യോഗിക വെബ്‌സൈറ്റായ consortiumofnlus.ac.in വഴി 2025 ഒക്ടോബര്‍ 31-നകം ഓണ്‍ലൈനായി അപേക്ഷിക്കാം.

To advertise here,

2026-ലേക്കുള്ള പ്രവേശനത്തിനായുള്ള പരീക്ഷ 2025 ഡിസംബര്‍ 7, ഞായറാഴ്ച ഉച്ചയ്ക്ക് 2 മണി മുതല്‍ 4 മണി വരെ നടക്കും. 2025 ഓഗസ്റ്റ് ഒന്ന് മുതല്‍ ക്ലാറ്റ് യു.ജി (ബിരുദം), ക്ലാറ്റ് പി.ജി (ബിരുദാനന്തര ബിരുദം) പരീക്ഷകള്‍ക്ക് അപേക്ഷ സമര്‍പ്പിക്കാനുള്ള അവസരം ആരംഭിച്ചിരുന്നു.

ദേശീയ നിയമ സര്‍വകലാശാലകളുടെ കണ്‍സോര്‍ഷ്യം നടത്തുന്ന ദേശീയതല പ്രവേശന പരീക്ഷയാണ് ക്ലാറ്റ്. രാജ്യത്തെ 22 ദേശീയ നിയമ സര്‍വകലാശാലകളിലും (NLUs) മറ്റ് പങ്കാളിത്ത സ്ഥാപനങ്ങളിലും ബിരുദ (യു.ജി), ബിരുദാനന്തര ബിരുദ (പിജി) നിയമ പ്രോഗ്രാമുകളിലേക്ക് പ്രവേശനം നേടാന്‍ ഈ പരീക്ഷ വിദ്യാര്‍ഥികളെ സഹായിക്കുന്നു.

യുജി ക്ലാറ്റ് 2026 പരീക്ഷയില്‍ താഴെ പറയുന്ന വിഭാഗങ്ങളിലായി 120 മള്‍ട്ടിപ്പിള്‍ ചോയ്‌സ് ചോദ്യങ്ങള്‍ (MCQs) ഉണ്ടായിരിക്കും.

  • ഇംഗ്ലീഷ് ഭാഷ
  • ആനുകാലിക വിവരങ്ങള്‍, പൊതുവിജ്ഞാനം
  • ലീഗല്‍ റീസണിംഗ്
  • ലോജിക്കല്‍ റീസണിംഗ്
  • ക്വാണ്ടിറ്റേറ്റീവ് ടെക്‌നിക്കുകള്‍

ക്ലാറ്റ് 2026 രജിസ്‌ട്രേഷന്‍: എങ്ങനെ അപേക്ഷിക്കാം?

  1. ഔദ്യോഗിക വെബ്‌സൈറ്റായ consortiumofnlus.ac.in സന്ദര്‍ശിക്കുക.
  2. ഹോംപേജിലെ 'ക്ലാറ്റ് 2026 രജിസ്‌ട്രേഷന്‍' എന്നതില്‍ ക്ലിക്ക് ചെയ്യുക.
  3. ഇമെയില്‍ ഐഡി, മൊബൈല്‍ നമ്പര്‍ എന്നിവ ഉപയോഗിച്ച് രജിസ്റ്റര്‍ ചെയ്യുക, തുടര്‍ന്ന് ആവശ്യമായ വ്യക്തി, വിദ്യാഭ്യാസം, കാറ്റഗറി തുടങ്ങിയ വിവരങ്ങള്‍ നല്‍കി അപേക്ഷ പൂരിപ്പിക്കുക.
  4. ഫോട്ടോ, സ്‌കാന്‍ ചെയ്ത ഒപ്പ്, ആവശ്യമായ മറ്റ് രേഖകള്‍ എന്നിവ അപ്‌ലോഡ്‌ ചെയ്യുക.
  5. അപേക്ഷാ ഫീസ് അടയ്ക്കുക
  6. അപേക്ഷ സമര്‍പ്പിക്കുക. തുടര്‍ന്നുള്ള കാര്യങ്ങള്‍ക്കായി അപേക്ഷയുടെ പകര്‍പ്പെടുത്ത് സൂക്ഷിക്കുക.

കൂടുതല്‍ വിവരങ്ങള്‍ക്ക്:  https://www.mathrubhumi.com/education/disha/clat-national-law-university-admission-26688130