ന്യൂഡല്‍ഹി: ഒന്നാംവര്‍ഷ ബിരുദ, ബിരുദാനന്തര ബിരുദ വിദ്യാര്‍ഥികള്‍ക്ക് നവംബര്‍ മുതല്‍ ക്ലാസുകള്‍ ആരംഭിക്കാന്‍ യു.ജി.സിയുടെ പുതിയ നിര്‍ദേശം. ഒക്ടോബര്‍ 31-നകം പ്രവേശന നടപടികള്‍ പൂര്‍ത്തിയാക്കണമെന്നും പ്രവേശനം റദ്ദാക്കുന്നവര്‍ക്ക് മുഴുവന്‍ ഫീസും തിരികെ നല്‍കണമെന്നും വിദ്യാഭ്യാസ വകുപ്പുമന്ത്രി രമേഷ് പൊഖ്രിയാല്‍ വ്യക്തമാക്കി.
നേരത്തെ സെപ്റ്റംബര്‍ 1-ന് ക്ലാസുകള്‍ തുടങ്ങണമെന്നായിരുന്നു യു.ജി.സി നിര്‍ദേശിച്ചിരുന്നത്. ജൂലായില്‍ ഇത് പരിഷ്‌കരിക്കുകയും സെപ്റ്റംബര്‍ 30-ഓടെ അവസാന വര്‍ഷ പരീക്ഷകള്‍ നടത്തണമെന്നും കമ്മിഷന്‍ നിര്‍ദേശിച്ചു.
യോഗ്യതാപരീക്ഷാ ഫലം പ്രസിദ്ധീകരിക്കാന്‍ കഴിഞ്ഞിട്ടില്ലെങ്കില്‍ നവംബര്‍ 18-ന് ക്ലാസുകള്‍ ആരംഭിക്കണമെന്നും സര്‍വകലാശാലകള്‍ക്ക് നിര്‍ദേശമുണ്ട്. നഷ്ടപ്പെട്ട അധ്യയന ദിവസങ്ങള്‍ വീണ്ടെടുക്കാന്‍ ശനിയാഴ്ചകളും പ്രവൃത്തി ദിവസമാക്കണമെന്നും വെക്കേഷന്‍ കുറയ്ക്കാനും യു.ജി.സി നിര്‍ദേശത്തില്‍ പറയുന്നു.
Content Highlights: Classes for first year to start from November 1: UGC to varsities
Published: 22 Sept 2020, 05:01 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented