നെടുമ്പാശ്ശേരി: മലയാള ചലച്ചിത്രസംവിധായകന് ഒമര് ലുലുവിന്റെ പേരില് പീഡനക്കേസ്. യുവനടിയുടെ പരാതിയിലാണ് നെടുമ്പാശ്ശേരി പോലീസ് കേസെടുത്തത്. സിനിമയില് അവസരം വാഗ്ദാനംചെയ്ത് പലതവണ പീഡിപ്പിച്ചെന്നാണ് പരാതി. നടിയുടെ മൊഴി രേഖപ്പെടുത്തി. നെടുമ്പാശ്ശേരിയിലെ രണ്ട് ഹോട്ടലുകളില്വെച്ച് പീഡിപ്പിച്ചതായി പരാതിയിലുണ്ട്.
കൊച്ചിയില് സ്ഥിരതാമസമാക്കിയ യുവനടിയാണ് പരാതിയുമായി പോലീസിനെ സമീപിച്ചത്. പാലാരിവട്ടം സ്റ്റേഷനില് നല്കിയ പരാതി പിന്നീട് നെടുമ്പാശ്ശേരി പോലീസിന് കൈമാറുകയായിരുന്നു. തിങ്കളാഴ്ചയാണ് പോലീസ് കേസെടുത്തത്. നെടുമ്പാശ്ശേരി പോലീസ് ഒമര് ലുലുവിനെ ചോദ്യംചെയ്യും.
ആരോപണം വ്യക്തിവിരോധംമൂലം -ഒമര് ലുലു
ആരോപണം വ്യക്തിവിരോധംമൂലമാണെന്ന് ഒമര് ലുലു. നടിയുമായി അടുത്തസൗഹൃദം ഉണ്ടായിരുന്നു. സൗഹൃദം ഉപേക്ഷിച്ചതിന്റെ വിരോധമാണ് പരാതിക്കു പിന്നില്. ആറുമാസമായി ഞങ്ങള് തമ്മില് ബന്ധമില്ല. പുതിയ സിനിമ തുടങ്ങിയപ്പോഴാണ് പരാതിയുമായി രംഗത്തുവന്നത് -ഒമര് ലുലു പറഞ്ഞു.
Content Highlights: sexual abuse case against director omar lulu
Published: 29 May 2024, 07:07 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented