കൊച്ചി: മാതൃഭൂമി ബുക്സ് പ്രസിദ്ധീകരിച്ച മനോജ് വെങ്ങോലയുടെ 'പൊറള്' എന്ന കഥാസമാഹാരം പ്രകാശനം ചെയ്തു. കലൂര് മാതൃഭൂമി ബുക് സ്റ്റാളില് നടന്ന ചടങ്ങില് പി.എഫ്. മാത്യൂസ് ഡോ. സുമി ജോയിക്ക് നല്കിയാണ് പ്രകാശനം ചെയ്തത്.
വിനിമയം ചെയ്യപ്പെടാത്ത അവസ്ഥ മനുഷ്യന് അസാധ്യമാണെന്ന് പി.എഫ്.മാത്യൂസ് പറഞ്ഞു. വിനിമയത്തിന് അറിവ് തന്നെ വേണമെന്നില്ല, അനുഭൂതിയോ അനുഭവമോ ഒക്കെ ആകാം. മനോജ് വെങ്ങോലയുടെ കഥകളുടെ കേന്ദ്ര പ്രമേയം തന്നെ അത്തരത്തില് വിനിമയങ്ങളാണ്- പി.എഫ്. മാത്യൂസ് പറഞ്ഞു. ബിജു സി.പി, ഡോ. സുമി ജോയ് എന്നിവര് സംസാരിച്ചു. മനോജ് വെങ്ങോല മറുപടി പറഞ്ഞു.
കലൂര്-കടവന്ത്ര റോഡിലുള്ള മാതൃഭൂമി ബുക് സ്റ്റാളില് ദീപാവലിയോടനുബന്ധിച്ച് പുസ്തകങ്ങള്ക്ക് സ്പെഷ്യല് ഓഫര് തുടങ്ങി. ഇഷ്ടമുള്ള നാലു പുസ്തകങ്ങള് തിരഞ്ഞെടുക്കുമ്പോള് മൂന്നെണ്ണത്തിന്റെ വില നല്കിയാല് മതിയാവും. 24 വരെയാണ് പുസ്തകങ്ങള്ക്ക് ഓഫര് ലഭിക്കുക. വിവിധ പ്രസാധകരുടെ മലയാളം, ഇംഗ്ലീഷ് പുസ്തകങ്ങള് ഈ ഓഫറില് ലഭിക്കും.
ഓര്ഹാന് പാമുക്കിന്റെ നൈറ്റ്സ് ഓഫ് പ്ളേഗ്, ശശി തരൂരിന്റെ അംബേദ്കര് എ ലൈഫ്, അമീഷിന്റെ വാര് ഓഫ് ലങ്ക, ആര്.കെ. പ്രസാദിന്റെ കലാം: ദി അണ്ടോള്ഡ് സ്റ്റോറി, സബിന് ഇക്ബാലിന്റെ സമുദ്രശേഷം, കെ.പി. രാമനുണ്ണിയുടെ ഹൈന്ദവം, ടി. എസ്. കല്യാണരാമന്റെ ആത്മവിശ്വാസം തുടങ്ങിയ പുതിയ പുസ്തകങ്ങള് ബുക് സ്റ്റാളില് ലഭിക്കും.
ദീപാവലി ഫെയറിനോടനുബന്ധിച്ച് പുസ്തകപ്രകാശനങ്ങള്, മുഖാമുഖം, ചര്ച്ചകള് എന്നിവയും ബുക് സ്റ്റാളുകളില് നടക്കുന്നുണ്ട്.
ദീപാവലി ഓഫര് ബുക് സ്റ്റാളില് നിന്ന് നേരിട്ട് പുസ്തകം വാങ്ങുന്നവര്ക്ക് മാത്രമേ ലഭിക്കുകയുള്ളൂ. ഓണ്ലൈനില് പുസ്തകം വാങ്ങാന് mbibooks.com സന്ദര്ശിക്കുക. വിവരങ്ങള്ക്ക് ഫോണ്: 0484-234098
Content Highlights: pf mathews release manoj vengolas poral at the function held at mathrubhumi books
Published: 20 Oct 2022, 03:51 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented