ഇതരസംസ്ഥാന പുകപരിശോധനാകേന്ദ്രങ്ങളില്‍നിന്ന് സര്‍ട്ടിഫിക്കറ്റ് നേടുന്ന വാഹനങ്ങളുടെ വിവരങ്ങള്‍ ശേഖരിക്കാന്‍ പ്രത്യേക പരിശോധന തുടങ്ങി.
തിരുവനന്തപുരം: പുക പരിശോധനാ സര്‍ട്ടിഫിക്കറ്റ് വ്യാജനെങ്കില്‍ വാഹനത്തിന്റെ രജിസ്ട്രേഷന് റദ്ദാകും. ഇതര സംസ്ഥാനങ്ങളില്‍നിന്ന് വ്യാജ പുകപരിശോധന സര്‍ട്ടിഫിക്കറ്റ് നേടിയ 50 വാഹനങ്ങളുടെ രജിസ്ട്രേഷന് റദ്ദാക്കാനുള്ള നടപടികള്‍ മോട്ടോര്‍വാഹനവകുപ്പ് ആരംഭിച്ചു. ഉടമകള്‍ക്കു കാരണം കാണിക്കല്‍ നോട്ടീസ് നല്‍കി.
ഇതരസംസ്ഥാന പുകപരിശോധനാകേന്ദ്രങ്ങളില്‍നിന്ന് സര്‍ട്ടിഫിക്കറ്റ് നേടുന്ന വാഹനങ്ങളുടെ വിവരങ്ങള്‍ ശേഖരിക്കാന്‍ പ്രത്യേക പരിശോധന തുടങ്ങി. കേരള രജിസ്ട്രേഷന് വാഹനങ്ങള്‍ മറ്റെവിടെയെങ്കിലും പരിശോധന നടത്തിയാല്‍ വിവരം ലഭിക്കുംവിധമാണ് ക്രമീകരണം.
കേരളത്തിലേക്ക് വ്യാജ പുകപരിശോധനാ സര്‍ട്ടിഫിക്കറ്റ് നല്‍കുന്ന സ്ഥാപനങ്ങളുടെ രജിസ്ട്രേഷന് റദ്ദാക്കാന്‍ കേന്ദ്ര ഉപരിതല ഗതാഗതമന്ത്രാലത്തിന് ട്രാന്‍സ്പോര്‍ട്ട് കമ്മിഷണര്‍ കത്ത് നല്‍കി.
ഉത്തര്‍പ്രദേശ്, മഹാരാഷ്ട്ര, ഹരിയാണ, പശ്ചമബംഗാള്‍ എന്നിവിടങ്ങളിലെ പുകപരിശോധനാകേന്ദ്രങ്ങളിലാണ് ക്രമക്കേട് കണ്ടെത്തിയത്. ഇവയുടെ പട്ടിക കേന്ദ്രത്തിന് കൈമാറി. വ്യാജ സോഫ്റ്റ്വേര്‍ ഉപയോഗിച്ചാണ് ഇവര്‍ പുകപരിശോധനാ സര്‍ട്ടിഫിക്കറ്റ് നല്‍കുന്നത്.
ചിത്രം നല്‍കിയാല്‍ സര്‍ട്ടിഫിക്കറ്റ് ലഭിക്കും
സര്‍ട്ടിഫിക്കറ്റ് വേണ്ട വാഹനങ്ങളുടെ ചിത്രം മൊബൈലില്‍ പകര്‍ത്തി വ്യാജ പുകപരിശോധനാ സര്‍ട്ടിഫിക്കറ്റ് നല്‍കുന്ന കേന്ദ്രങ്ങള്‍ക്ക് കൈമാറും. അവര്‍ വാഹനത്തിന്റെ ചിത്രം ഉള്‍ക്കൊള്ളിച്ച് അവിടെ പരിശോധന നടന്നതായി കാണിച്ച് സര്‍ട്ടിഫിക്കറ്റ് നല്‍കും.
പുക പരിശോധനയ്ക്ക് വാഹന ഉടമയുടെ മൊബൈല്‍നമ്പര്‍ നിര്‍ബന്ധമാക്കിയിരുന്നു. ഉടമയുടെ ആധാര്‍ അധിഷ്ഠിത മൊബൈല്‍ നമ്പരിലേക്ക് വരുന്ന ഒറ്റത്തവണ പാസ്വേര്‍ഡ് ഉപയോഗിച്ച് മാത്രമേ പരിശോധന പൂര്‍ത്തിയാക്കാന്‍ കഴിയൂ.
മൊബൈല്‍ നമ്പര്‍ വാഹനരേഖകളില്‍ കൂട്ടിച്ചേര്‍ത്തിട്ടില്ലാത്തവരാണ് വ്യാജ പുകപരിശോധനാ സര്‍ട്ടിഫിക്കറ്റിന് പിന്നാലെ പോകുന്നത്. സംസ്ഥാനത്തെ ചില പുകപരിശോധനാകേന്ദ്രം നടത്തിപ്പുകാരും ഇതിന് ഇടനിലക്കാരായി പ്രവര്‍ത്തിക്കുന്നുണ്ട്.
Content Highlights: Thiruvananthapuram: Motor Vehicles Department to cancel registrations of 50 vehicles with fake PUC certificates from other states. Strict action taken.
Published: 03 Dec 2025, 09:27 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented