പച്ചക്കറി സംഭരിച്ച വകയില്‍ ഹോര്‍ട്ടികോര്‍പ്പില്‍നിന്ന് കര്‍ഷകര്‍ക്ക് കൊടുക്കാനുള്ള തുക ഉടന്‍ കൊടുത്തുതീര്‍ക്കുമെന്ന് കൃഷിമന്ത്രി സുനില്‍കുമാര്‍. മാതൃഭൂമി ഓഫീസിന്റെ മട്ടുപ്പാവിലെ പച്ചക്കറി കൃഷിയുടെ വിളവെടുപ്പ് ഉദ്ഘാടനം ചെയ്യുകയായിരുന്നു മന്ത്രി.
വിലയിനത്തില്‍ ഏറെ പണം കൊടുക്കാനുണ്ട്. വയനാട്ടില്‍ മാത്രം 96 ലക്ഷം രൂപയാണുള്ളത്. ഈയാഴ്ചതന്നെ കൊടുക്കണമെന്ന് ആവശ്യപ്പെട്ടിട്ടുണ്ട്. കാര്‍ഷികരംഗവുമായി ബന്ധപ്പെട്ട് 'മാതൃഭൂമി' കഴിഞ്ഞദിവസങ്ങളില്‍ പരമ്പരയിലൂടെയും മുഖപ്രസംഗത്തിലൂടെയും മുന്നോട്ടുവെച്ച പല ആശയങ്ങളോടും സര്‍ക്കാരിന് പൂര്‍ണ യോജിപ്പാണുള്ളത്.
ഇതില്‍ ഊന്നിപ്പറഞ്ഞിട്ടുള്ള ഉത്പന്നങ്ങളുടെ വിപണനവുമായി ബന്ധപ്പെട്ട പ്രശ്‌നങ്ങള്‍ പരിഹരിക്കാന്‍ പ്രത്യേക സമിതിയെ നിയോഗിച്ചിട്ടുണ്ട്. മുഖപ്രസംഗം നിര്‍ദേശിച്ചതുപോലെ വിപണനത്തിന് സ്ഥിരംസംവിധാനമാണ് ലക്ഷ്യമെന്നും മന്ത്രി വിശദീകരിച്ചു.
തക്കാളി, പടവലം, പാവല്‍, കോവല്‍, ചുരങ്ങ, മത്തന്‍, വെള്ളരി, കുരുമുളക്, പച്ചമുളക് തുടങ്ങി ഒട്ടേറെയിനങ്ങളാണ് ജീവനക്കാര്‍ 'മാതൃഭൂമി' ഓഫീസിന്റെ മട്ടുപ്പാവില്‍ ജൈവരീതിയില്‍ കൃഷിചെയ്തത്.
Content Highlights: Horticorp's arrears to farmers will be settled soon, says V.S.Sunil kumar
Published: 04 Aug 2020, 08:50 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented