കേരളത്തിലിപ്പോൾ മാറ്റത്തിന്റെ കാറ്റാണ് ആഞ്ഞുവീശുന്നത്. പഴയ തലമുറയ്ക്ക് കണ്ടുപരിചയമോ കേട്ടുപരിചയമോ ഇല്ലാത്ത ഒരു ട്രെൻഡിന്റെ ചിറകിൽ പറക്കുകയാണ് ജെൻ Z. പിന്നിട്ട കാലത്തെ അറത്തുമുറിച്ചു കളയുകയല്ല, അവയെ പുനഃസൃഷ്ടിച്ച് സ്വന്തം ഭാവനയുമായി വിളക്കിച്ചേർക്കുകയാണ് ഇവർ. നൂറ്റാണ്ടുകൾ പഴക്കമുള്ള ആചാരങ്ങളെ അവർ  ഇൻസ്റ്റഗ്രാം ട്രെൻഡുകളാക്കുന്നു, ഡിജിറ്റൽ പ്രശസ്തി നേടുന്നു, ബെറ്റിങ് ആപ്പിൽ കാശെറിഞ്ഞുകളിക്കുന്നു. ക്ഷണനേരം കൊണ്ട് കാശുവാരുന്ന വിദ്യകൾ അഭസിച്ച് ആഡംബര സ്വപ്നങ്ങളുടെ പുതിയ മേച്ചിൽപ്പുറങ്ങൾ തേടുന്നു.

To advertise here,

ഈ തലമുറ പലതും ഉപേക്ഷിച്ചു എന്നല്ല ഇതിനർത്ഥം - അവർ അതിനെ മറ്റൊരു തരത്തിൽ അവതരിപ്പിക്കുകയാണ്. വ്യക്തിത്വം ചിട്ടപ്പെടുത്തിയെടുക്കുന്നതുമായ ഡിജിറ്റൽ യുഗത്തിനായി അവർ അതിനെ എഡിറ്റ് ചെയ്യുകയും റീമിക്സ് ചെയ്യുകയും റീബ്രാൻഡ് ചെയ്യുകയുമാണ്.

ഗാഡ്‌ജെറ്റുകളുടെ കാലഘട്ടം

രാജ്യത്ത് ഏറ്റവും ഉയർന്ന സാക്ഷരതാനിരക്കും അഗാധമായ സാമൂഹിക അവബോധവും ഉള്ള കേരളത്തിൽ അടിസ്ഥാനപരമായി ചിന്തിക്കുന്നവരായിരിക്കുമെന്ന് പ്രതീക്ഷിക്കാം. എന്നാൽ നമ്മൾ കാണുന്നത് പാരമ്പര്യത്തിനും ഹൈപ്പർ-കണക്റ്റിവിറ്റിക്കും ഇടയിൽ, റീലുകൾക്കിടയിൽ ഉഴലുന്ന ഒരു തലമുറയെയാണ്.

ഈ മാറ്റത്തിൻ്റെ ഏറ്റവും വ്യക്തമായ സൂചനകളിലൊന്നാണ് വിലകൂടിയ സ്മാർട്ട്ഫോണുകളോടുള്ള ഭ്രമം. ഏറ്റവും പുതിയ സ്മാർട്ട് ഫോൺ സ്വന്തമാക്കുന്നത് കേവലം ഉപയോഗത്തെക്കുറിച്ചല്ല - സെൽഫികളുടെയും സ്നാപ് സ്ട്രീക്കുകളുടെയും കാലഘട്ടത്തിൽ ഇത് സാമൂഹിക പദവി, അംഗീകാരം, കൂട്ടത്തിൽ ചേരാൻ സാധിക്കുന്നത് എന്നിവ അപേക്ഷിച്ചിരിക്കുന്നു. 

ഒന്നര ലക്ഷം രൂപ വിലയുള്ള ഫോണുകൾ പലപ്പോഴും വാങ്ങുന്നത് പാർട്ട് ടൈം ജോലി ചെയ്യുന്ന വിദ്യാർഥികളാണ്. കൂടാതെ വീട്ടുകാർക്ക് തലവേദനയായി അവരെ ബുദ്ധിമുട്ടിച്ച് ലോൺ എടുത്ത് വേണ്ട സാധനം വാങ്ങിപ്പിക്കുന്നവരും വിരളമല്ല. ബെറ്റിങ് ആപ്പുകളുടെ അപകടകരമായ പന്തയങ്ങളിൽ നിന്ന് ലഭിച്ച പണം കൊണ്ട് ഇതൊക്കെ സ്വന്തമാക്കുന്നവരും കുറവല്ല. അവിടെ പണം കളയുന്നവരും.

ബെറ്റിങ് ആപ്പുകൾ: കാണാത്ത അടിത്തട്ട്

അധികം പേരും അഭിമുഖീകരിക്കാൻ ഇഷ്ടപ്പെടാത്ത ഡിജിറ്റൽ മുറിയിലെ പ്രശ്നമാണ് ബെറ്റിങ് ആപ്പ്. ഇത്തരം ആപ്പുകളുടെ വർദ്ധിച്ചുവരുന്ന സ്വാധീനം പെട്ടെന്ന് പണം നേടാനുള്ള വാഗ്ദാനങ്ങൾ നൽകി വിദ്യാർത്ഥികളെ ആകർഷിക്കുന്ന പണം ഇരട്ടിപ്പിക്കൽ പദ്ധതികൾ എന്നിവയുടെ ഒരു വലയായി വളർന്നിരിക്കുന്നു.

കൗമാരക്കാർക്ക് ട്യൂഷൻ ഫീസിനുള്ള പണം നഷ്ടപ്പെട്ടതിൻ്റെയോ മാതാപിതാക്കളുടെ സമ്പാദ്യം നഷ്ടപ്പെട്ടതിൻ്റെയോ  കഥകൾ യഥേഷ്ടം പറയാനുണ്ട്. ഡിജിറ്റൽ ഭാഗ്യം തേടി അവർ പോകുകയാണ്. മറ്റു ചിലർ രാത്രിയിൽ 5,000 നേടിയതിൻ്റെ സ്ക്രീൻഷോട്ടുകൾ പോസ്റ്റ് ചെയ്യുകയും അവരുടെ കൂട്ടുകാർക്കിടയിൽ ചെറിയ സെലിബ്രിറ്റികളായി മാറുകയും ചെയ്യുന്നു.

ഇവർ ജനിച്ച് ജീവിക്കുന്നത് സ്മാർട്ട് ഫോൺ, സോഷ്യൽ മീഡിയ എന്നി ലോകത്താണ്. ഷോ ഓഫ് കൾച്ചറിന്റെ ഏറ്റവും വലിയ ഇരകളാണിവർ. വെൽത്ത്, ലക്ഷ്വറി, സക്സസ് എന്നിവയെ നോർമ്മലായി സോഷ്യൽ മീഡിയയിൽ പ്രചരിപ്പിക്കുന്നതാണ് ഷോ ഓഫ് കൾച്ചർ. ഇതിനായി പല തരത്തിലുള്ള മാർ​ഗങ്ങൾ കൈവരിക്കുന്നവരും വിരളമല്ല. 

ഷോ ഓഫ് കൾച്ചറിന്റെ ഭാ​ഗമാവാൻ പലരുടെയും സമ്മർദ്ദവും വരാറുണ്ട്. ഇതൊക്കെ പുതു തലമുറയെ പല തരത്തിൽ സ്വാധീനിക്കുന്നു.