പ്രഷർ കുക്കർ വിസിൽ അടിക്കാതെ പാചകം ചെയ്യണം: എൽപിജി ഉപഭോഗം കുറയ്ക്കാനുള്ള വഴികളുമായി ഡോ.ജയരാമൻ

 

പശ്ചിമേഷ്യൻ യുദ്ധത്തിന്റെ പശ്ചാത്തലത്തിൽ കടുത്ത പാചകവാതക ക്ഷാമത്തിലൂടെ കടന്നുപോവുകയാണ് സംസ്ഥാനം. ക്ഷാമം മൂലം ഹോട്ടലുകളിൽ ഒരു വിഭാഗം ഇതിനകം അ‌ടച്ചു കഴിഞ്ഞു. വീടുകളിലും സിലിണ്ടർ ലഭിക്കാൻ ബുക്ക് ചെയ്ത് ആഴ്ചകൾ തന്നെ കാത്തിരിക്കേണ്ട അ‌വസ്ഥയാണ്. പാചകവാതകം കുറഞ്ഞയളവിൽ ഉപയോഗിക്കുക എന്നതാണ് നിലവിലെ സാഹചര്യത്തിൽ നമുക്ക് ചെയ്യാൻ കഴിയുകയെന്ന് പെട്രോളിയം കൺസർവേഷൻ റിസർച്ച് അസോസിയേഷന്റെ കേരളത്തിലെ ആദ്യത്തെ കോർഡിനേറ്ററായ ഡോ.ജയരാമൻ പറയുന്നു. നാല് ദശാബ്ദക്കാലമായി ഊർജ സംരക്ഷണ മേഖലയിൽ പ്രവർത്തിക്കുന്ന ഡോ. ജയരാമൻ അ‌തിനുള്ള വഴികളും വിശദമാക്കുന്നു.