To advertise here,

രണ്ടോ മൂന്നോ ഗർഭമുണ്ടാക്കിയവരെ ന്യായീകരിക്കാൻ കോൺഗ്രസ് പാർട്ടിയിൽ ആളുണ്ടെന്നും എന്നാൽ തനിക്കൊരു ആപത്ത് വന്നപ്പോൾ എല്ലാവരും ചവിട്ടിയെന്നും രാജ്മോഹൻ ഉണ്ണിത്താൻ എംപി. മാതൃഭൂമി ഡോട്ട് കോമിന് അനുവദിച്ച പ്രത്യേക അഭിമുഖത്തിൽ സംസാരിക്കുകയായിരുന്നു അദ്ദേഹം.

‘എന്റെ ഓരോ പ്രസ്താവനയിലും പല കോൺഗ്രസ് നേതാക്കന്മാർക്കും അസ്വസ്ഥതയുണ്ട്. അത് പരിഗണിക്കില്ല. എനിക്ക് ഒന്നും നഷ്ടപ്പെടാനില്ല. പറയാനുള്ള കാര്യങ്ങൾ പറയേണ്ട സമയത്ത് പറയേണ്ടവരുടെ മുഖത്ത് നോക്കി ഇനിയും പറയും’- ചൊറിയാൻ വന്നാൽ കരിമ്പിൻ തോട്ടത്തിൽ കയറിയ ആനയാണ് താനെന്നും ചവിട്ടി തേച്ച് കളയുമെന്നും അദ്ദേഹം പറഞ്ഞു.

‘എന്റെ ജീവിതം പാമ്പും ഏണിയുമാണ്. പാമ്പ് നേതാക്കന്മാരാണ്. പാമ്പിന്റെ വായിലകപ്പെട്ട് താഴോട്ട് വരും പക്ഷേ ഇതുവരെ ഞാൻ കളത്തിന് പുറത്ത് പോയിട്ടില്ല’, രാജ്മോഹൻ ഉണ്ണിത്താൻ വ്യക്തമാക്കി.