പാലോട് : പാലോട് മേഖലകളിൽ കാട്ടുപോത്ത് ജീവനു ഭീഷണിയാകുന്നു. കഴിഞ്ഞ ദിവസം പാലോട് മൈലമൂട് റോഡിൽ കാട്ടുപോത്തിന്റെ കൂട്ടം കാറിൽവന്ന യാത്രക്കാരെ ആക്രമിച്ചു. കാറിന്റെ മുൻവശം ഭാഗികമായി തകർന്നു. കഴിഞ്ഞ ദിവസം പുലർച്ചെ 6.45-ന് പാലോട് ഫോറസ്റ്റ് റെയ്ഞ്ച് ഓഫീസിനു സമീപംപാണ്ഡിയൻപാറയിൽ റോഡിനു കുറുകേ ചാടിയ കാട്ടുപോത്താണ് കാറിൽ ഇടിച്ചത്.
പാങ്ങോട് മൂന്നുമുക്ക് സ്വദേശികൾ സഞ്ചരിച്ചിരുന്ന കാറിനു നേരേയാണ് അക്രമമുണ്ടായത്. യാത്രക്കാർ നിസ്സാര പരിക്കുകളോടെ രക്ഷപ്പെട്ടു. ഇവിടെ അടുത്തയിടെ ഇരുചക്രവാഹനത്തിൽ വന്ന യുവാക്കളെയും കാട്ടുപോത്ത് ഒടിച്ചിരുന്നു. ആഴ്ചകൾക്കു മുൻപ് പെരിങ്ങമ്മല ഇയ്യക്കോട് കല്ലണയിൽ പൂമാല കാണിയുടെ കിണറ്റിൽവീണ് കാട്ടുപോത്ത്ച ത്തിരുന്നു. കൂടാതെ പെരിങ്ങമ്മല ഗാർഡ് സ്റ്റേഷനു സമീപം ബൗണ്ടർമുക്കിൽ രാത്രി ഒൻപതുമണിയോടെ റോഡിൽ കാ ട്ടുപോത്തുകളെ കൂട്ടത്തോടെ കണ്ടതും യാത്രക്കാരിൽ വലിയ ഭീതി പരത്തി. കഴിഞ്ഞ രണ്ടുദിവസങ്ങളായി പ്രദേശങ്ങളിൽ പകൽ സമയത്തുപോലും ഒറ്റയായും കൂട്ടമായും കാട്ടുപോത്തുകൾ ഇറങ്ങുന്നുണ്ട്.
പുലർച്ചെ റബ്ബർതോട്ടങ്ങളിൽ കാട്ടുപോത്തുകളും മ്ലാവുകളും തമ്പടിക്കുന്നതിനാൽ ടാപ്പിങ് തൊഴിലാളികൾക്കു ജോലിക്കുപോകാനും കഴിയുന്നില്ല. ജനവാസമേഖലകളിലും പ്രധാന റോഡുകളിലും വന്യമൃഗശല്യം പ്രദേശവാസികളെ വല്ലാതെ ബുദ്ധിമുട്ടിക്കുന്നുണ്ട്.
Published: 18 Nov 2026, 01:07 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented