ജ്യോതിശ്ശാസ്ത്ര രംഗത്ത് സുപ്രധാനമായൊരു കണ്ടെത്തല്‍ നടത്തിയിരിക്കുകയാണ് ഒരു കൂട്ടം ശാസ്ത്രജ്ഞര്‍. വിര്‍ഗോ നക്ഷത്രസമൂഹത്തില്‍, ഏകദേശം 300 ദശലക്ഷം പ്രകാശവര്‍ഷം അകലെ സ്ഥിതി ചെയ്യുന്ന എസ്ഡിഎസ്എസ്1335+0728 എന്ന ഗാലക്‌സിയുടെ ഹൃദയഭാഗത്ത്, 20 വര്‍ഷത്തെ നിഷ്‌ക്രിയതയ്ക്ക് ശേഷം ഉണര്‍ന്ന ഒരു ഭീമന്‍ തമോഗര്‍ത്തമാണ് കണ്ടെത്തിയത്. കാലിഫോര്‍ണിയയിലെ പാലോമര്‍ ഒബ്‌സര്‍വേറ്ററിയില്‍ സാമുവല്‍ ഓഷിന്‍ ടെലിസ്‌കോപ്പിന്റെ ഭാഗമായി പ്രവര്‍ത്തിക്കുന്ന സ്വിക്കി ട്രാന്‍സിയന്റ് ഫെസിലിറ്റി (ZTF) ആണ് ഈ കണ്ടെത്തല്‍ നടത്തിയത്.
2019 അവസാനത്തോടെയാണ് ഈ തമോഗര്‍ത്തത്തില്‍ അപ്രതീക്ഷിതമായ മാറ്റങ്ങള്‍ ശ്രദ്ധയില്‍പ്പെട്ടത്. സൂര്യനേക്കാള്‍ ഏകദേശം പത്ത് ലക്ഷം മടങ്ങ് പിണ്ഡമുള്ള ഈ തമോഗര്‍ത്തം ഇന്‍ഫ്രാറെഡ്, ഒപ്റ്റിക്കല്‍, അള്‍ട്രാവയലറ്റ് തരംഗദൈര്‍ഘ്യങ്ങളില്‍ പ്രകാശം പുറപ്പെടുവിക്കാന്‍ തുടങ്ങി. 2024-ല്‍, ചിലിയിലെ ജ്യോതിശാസ്ത്രജ്ഞര്‍ ഈ തമോഗര്‍ത്തത്തില്‍ നിന്ന് എക്‌സ്-റേ വികിരണങ്ങള്‍ പുറത്തുവരുന്നത് കണ്ടെത്തി, ഇത് തമോഗര്‍ത്തം പുനരുജ്ജീവനം നടത്തുന്നതിന്റെ വ്യക്തമായ സൂചനയായിരുന്നു. തുടര്‍ന്ന്, ചുറ്റുമുള്ള വാതകങ്ങളെ ആകര്‍ഷിച്ച് ഈ തമോഗര്‍ത്തം സജീവമായി പ്രവര്‍ത്തിക്കാന്‍ തുടങ്ങി.
ഈ മാറ്റത്തോടെ SDSS1335+0728 ഗാലക്‌സി ഒരു സജീവ ഗാലക്ടിക് ന്യൂക്ലിയസ് (AGN) ഉള്ള ഗാലക്‌സിയായി മാറി. ശാസ്ത്രജ്ഞര്‍ ഈ പ്രതിഭാസത്തിന് 'ആന്‍സ്‌കി' (Ansky) എന്ന് പേര് നല്‍കി.
തമോഗര്‍ത്തങ്ങള്‍ വര്‍ഷങ്ങളോളം നിഷ്‌ക്രിയമാകുന്നത് അസാധാരണമല്ലെങ്കിലും, ഒരു തമോഗര്‍ത്തം വീണ്ടും സജീവമാകുന്നതിന് മനുഷ്യര്‍ ആദ്യമായാണ് സാക്ഷ്യം വഹിക്കുന്നത്. ഗാലക്‌സികളുടെ ഉത്ഭവത്തെയും തമോഗര്‍ത്തങ്ങളുടെ വളര്‍ച്ചയെയും കുറിച്ചുള്ള അറിവുകള്‍ നേടാന്‍ ഈ കണ്ടെത്തല്‍ ശാസ്ത്രലോകത്തിന് അവസരമൊരുക്കും.
Content Highlights: Scientists discover a giant black hole reactivating after 20 years of inactivity in the Virgo galaxy
Published: 28 May 2025, 06:25 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented