പ്രധാനപ്പെട്ട മൂന്ന് സൗകര്യങ്ങള്‍ കൂടി അവതരിപ്പിച്ച് ഗൂഗിള്‍ മാപ്പ്. ഗൂഗിള്‍ എര്‍ത്തിലെ ഹിസ്റ്റോറിക്കല്‍ ഇമേജറി, കൂടുതല്‍ വലിയ സ്ട്രീറ്റ് വ്യൂ കവറേജ്, കൂടുതല്‍ വ്യക്തത നല്‍കുന്ന ഉപഗ്രഹ ചിത്രങ്ങള്‍ എന്നിവയാണ് അപ്‌ഡേറ്റില്‍ ഉള്‍പ്പെടുന്നത്.
ഹിസ്റ്റോറിക്കല്‍ ഇമേജറി സംവിധാനം ഉപയോഗിച്ച് ഗൂഗിള്‍ എര്‍ത്തില്‍ പ്രദേശങ്ങളുടെ ദശാബ്ദങ്ങള്‍ക്ക് അപ്പുറമുള്ള ചിത്രങ്ങള്‍ കാണാം. ഹിസ്റ്റോറിക്കല്‍ ഇമേജറി ഫീച്ചര്‍ ഇപ്പോള്‍ ഗൂഗിള്‍ എര്‍ത്തിന്റെ വെബ്ബ് വേര്‍ഷനിലും മൊബൈല്‍ വേര്‍ഷനിലും ലഭ്യമാവും. വര്‍ഷങ്ങള്‍ക്ക് മുമ്പുള്ള നാടിന്റെ കാഴ്ചകള്‍ കാണാന്‍ ഇത് സഹായിക്കും.
80 ഓളം രാജ്യങ്ങളിലെ സ്ട്രീറ്റ് വ്യൂ ദൃശ്യങ്ങളാണ് ഗൂഗിള്‍ മാപ്പ് ഇപ്പോള്‍ ഒരുക്കിയിട്ടുള്ളത്. മുമ്പുള്ളതിനേക്കാള്‍ കൂടുതല്‍ സ്ഥലങ്ങള്‍ ഇപ്പോള്‍ സ്ട്രീറ്റ് വ്യൂ സേവനത്തിന്റെ പരിധിയില്‍ വരും. ഈ സ്ഥലങ്ങള്‍ 360 വീക്ഷണകോണില്‍ കാണാനാവും. എഐ ഉപയോഗിച്ച് കൂടുതല്‍ മേഘങ്ങളും മറ്റ് തടസങ്ങളും നീക്കം ചെയ്ത കൂടുതല്‍ വ്യക്തതയുള്ള ഉപഗ്രഹ ചിത്രങ്ങള്‍ മാപ്പില്‍ ലഭിക്കും. ഗൂഗിള്‍ മാപ്പിലെ പ്രദേശങ്ങള്‍ കൂടുതല്‍വ്യക്തമായി മനസിലാക്കാന്‍ ഈ പുതിയ മാറ്റങ്ങള്‍ സഹായിക്കും.
ക്ലൗഡ് സ്‌കോര്‍ + എന്ന എഐ ഉപയോഗിച്ചാണ് ഉപഗ്രഹ ദൃശ്യങ്ങള്‍ മെച്ചപ്പെടുത്തിയത്. മേഘങ്ങള്‍, മൂടല്‍ മഞ്ഞ് പോലെ പ്രദേശങ്ങളുടെ കാഴ്ച മറയ്ക്കുന്ന കാര്യങ്ങള്‍ നീക്കം ചെയ്യാന്‍ ഈ എഐ സാങ്കേതിക വിദ്യ സഹായിക്കും. അതേസമയം മഞ്ഞ്, ഐസ്, പര്‍വതങ്ങളുടെ നിഴലുകള്‍ പോലുള്ളവ സംരക്ഷിക്കപ്പെടുകയും ചെയ്യും. ഈ സാങ്കേതിക വിദ്യ കൂടുതല്‍ കൃത്യമായ വിവരങ്ങള്‍ നല്‍കുമെന്നാണ് കമ്പനി അവകാശപ്പെടുന്നത്.
Content Highlights: Google Maps adds historical imagery to Google Earth expended Street View clearer satellite images
Published: 27 Sept 2024, 03:57 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented