മിലാൻ: ഫോർമുല വൺ ഇറ്റാലിയൻ ഗ്രാൻപ്രീയിൽ ചരിത്രമെഴുതി മെഴ്‌സിഡസിന്റെ കിമി അന്റോണെല്ലി. 1966-ന് ശേഷം ഇറ്റാലിയൻ ഗ്രാൻപ്രീയിൽ ജേതാവാകുന്ന ആദ്യ ഇറ്റാലിയൻ താരമാണ് കിമി. 19-ാം ഗ്രിഡിൽ മത്സരിച്ചാണ് കിമി ഒന്നാം സ്ഥാനത്തേക്ക് കുതിച്ചത്.

To advertise here,

മെഴ്‌സിഡസിന്റെ തന്നെ ജോർജ് റസെൽ രണ്ടാം സ്ഥാനത്തെത്തി. റെഡ് ബുള്ളിന്റെ മാക്‌സ് വേഴ്സ്റ്റാപ്പനാണ് മൂന്നാം സ്ഥാനം നേടിയത്. അതേസമയം പോൾ പൊസിഷനിൽ മത്സരിച്ച ആൽപൈൻ-മെഴ്‌സിഡസിന്റെ പിയറി ഗാസ്‌ലി ഏഴാം സ്ഥാനത്താണ് മത്സരം പൂർത്തിയാക്കിയത്.

നിലവിൽ ഫോർമുല വൺ കിരീടപ്പോരാട്ടത്തിൽ ഒന്നാമതുള്ളതും 20-കാരനായ കിമി അന്റോണെല്ലിയാണ്. ജോർജ് റസൽ രണ്ടാമതും ഫെരാരിയുടെ ലൂയിസ് ഹാമിൽട്ടൺ മൂന്നാമതുമാണ്. 267 പോയിന്റാണ് കിമിക്കുള്ളത്. ജോർജ് റസലിന് 201ഉം ലൂയിസ് ഹാമിൽട്ടണ് 191 പോയിന്റുമുണ്ട്. നേരത്തെ ചൈന, ജപ്പാൻ, മയാമി, കാനഡ, മൊണാക്കോ, ബെൽജിയം ഗ്രാൻപ്രീകളിൽ കിമി ജേതാവായിരുന്നു.