റോം: ഇറ്റാലിയന് ഓപ്പണ് ടെന്നീസ് ടൂര്ണമെന്റില് ലോക ഒന്നാം നമ്പര് താരമായ സെര്ബിയയുടെ നൊവാക് ജോക്കോവിച്ചിന് കിരീടം. ഫൈനലില് ഗ്രീസിന്റെ സ്റ്റെഫാനോസ് സിറ്റ്സിപാസിനെ തകര്ത്താണ് ജോക്കോവിച്ച് കിരീടത്തില് മുത്തമിട്ടത്. ജോക്കോവിച്ചിന്റെ കരിയറിലെ ആറാം ഇറ്റാലിയന് ഓപ്പണ് കിരീടമാണിത്.
നേരിട്ടുള്ള സെറ്റുകള്ക്കാണ് ജോക്കോവിച്ചിന്റെ വിജയം. സ്കോര്: 6-0, 7-6. ആദ്യ സെറ്റില് സിറ്റ്സിപാസിന് ഒരു പോയന്റ് പോലും നല്കാതെ ജോക്കോവിച്ച് കൊടുങ്കാറ്റായി. രണ്ടാം സെറ്റില് ശക്തമായി തിരിച്ചുവന്ന സിറ്റ്സിപാസ് മത്സരം ടൈബ്രേക്കറിലേക്ക് എത്തിച്ചു. എന്നാല് പരിചയസമ്പത്തിന്റെ മികവില് ജോക്കോവിച്ച് സെറ്റ് നേടി കിരീടം സ്വന്തമാക്കി.
Also Read
34 കാരനായ ജോക്കോവിച്ചിന്റെ ഈ സീസണിലെ ആദ്യ കിരീടമാണിത്. കോവിഡ് വാക്സിനെടുക്കാത്തതിനെത്തുടര്ന്ന് വലിയ വിവാദങ്ങളില് വീണ ജോക്കോവിച്ചിന് ഏറെ ആശ്വാസം പകരുന്ന വിജയമാണിത്. ജോക്കോവിച്ചിന്റെ കരിയറിലെ 1001-ാം വിജയമാണിത്. സെമിയില് കാസ്പെര് റൂഡിനെ തോല്പ്പിച്ചതോടെ കരിയറില് 1000 വിജയങ്ങള് എന്ന നേട്ടം ജോക്കോവിച്ച് സ്വന്തമാക്കിയിരുന്നു.
Content Highlights: novak djokovic, italian open 2022, italian open tennis, djokovic, tsitsipas, tennis news, sports
Published: 16 May 2022, 09:34 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented