ഗ്ലാസ്‌ഗോ: 2026 കോമൺവെൽത്ത് ഗെയിംസിന്റെ ഏഴാം ദിനത്തിൽ പാരാ അത്‌ലറ്റിക്സിൽ മിന്നുംപ്രകടനവുമായി ഇന്ത്യൻ താരങ്ങൾ. പുരുഷന്മാരുടെ 100 മീറ്റർ ടി47 ഫൈനലിൽ ഇന്ത്യയുടെ ദിലീപ് ഗാവിത്തും മുഹമ്മദ് ബാസിലും യഥാക്രമം സ്വർണവും വെള്ളിയും നേടി. 

To advertise here,

10.71 സെക്കൻഡിൽ ഫിനിഷ് ചെയ്ത ദിലീപ്, ഗെയിംസ് റെക്കോർഡ് തിരുത്തിയാണ് സ്വർണം നേടിയത്. ഇതേ ഇനത്തിൽ 10.83 സെക്കൻഡിൽ ഫിനിഷ് ചെയ്താണ് മലയാളി താരം മുഹമ്മദ് ബാസിൽ വെള്ളി മെഡൽ കരസ്ഥമാക്കിയത്.  ഇംഗ്ലണ്ടിന്റെ കെവിൻ സന്റോസ് (10.85 സെക്കൻഡ്) വെങ്കലവും നേടി.