നഗോയ: ഏഷ്യൻ ഗെയിംസ് പുരുഷ മാരത്തണിൽ ചരിത്രം കുറിച്ച് സാവൻ ബർവാൾ. 44 വർഷത്തെ കാത്തിരിപ്പിനൊടുവിലാണ് ഈ ഇനത്തിൽ ഇന്ത്യ ഏഷ്യൻ ഗെയിംസ് മെഡൽ നേടുന്നത്. 42.195 കിലോമീറ്റർ ദൂരം 2 മണിക്കൂർ 11 മിനിറ്റ് 37 സെക്കൻഡിൽ പൂർത്തിയാക്കിയ ഈ 28-കാരൻ, സ്വന്തം പേരിലുണ്ടായിരുന്ന ദേശീയ റെക്കോഡ് തിരുത്തിക്കുറിച്ചാണ് വെള്ളി മെഡൽ കരസ്ഥമാക്കിയത്. മാത്രമല്ല, വിദേശ മണ്ണിൽ ഏഷ്യൻ ഗെയിംസ് മാരത്തൺ മെഡൽ നേടുന്ന ആദ്യ ഇന്ത്യൻ താരം എന്ന അപൂർവ നേട്ടവും സാവൻ സ്വന്തമാക്കി.
1982-ൽ ഡൽഹി ഏഷ്യൻ ഗെയിംസിൽ ഹൊസൂർ കുക്കപ്പ സീതാറാം വെങ്കലം നേടിയ ശേഷം ആദ്യമായാണ് പുരുഷ മാരത്തണിൽ ഇന്ത്യ ഒരു മെഡൽ നേടുന്നത്. 2026 ഏപ്രിലിൽ റോട്ടർഡാം മാരത്തണിൽ സാവൻ സ്ഥാപിച്ച 2:11:58 എന്ന ദേശീയ റെക്കോഡാണ് 21 സെക്കൻഡ് കുറച്ച് അദ്ദേഹം വീണ്ടും മെച്ചപ്പെടുത്തിയത്.
മത്സരത്തിൽ ജപ്പാന്റെ ഇചിതാക യാമാഷിത (2:10:49) സ്വർണവും ചൈനയുടെ പെയ്യു ഫെങ് (2:12:13) വെങ്കലവും നേടി.
ഹിമാചൽ പ്രദേശ് സ്വദേശിയായ സാവൻ ബർവാൾ 2019-ൽ ഇന്ത്യൻ ആർമിയിൽ ചേർന്ന ശേഷമാണ് പ്രൊഫഷണൽ അത്ലറ്റിക്‌സിലേക്ക് കടന്നുവന്നത്. 5,000 മീറ്ററിലും 10,000 മീറ്ററിലും ശ്രദ്ധേയമായ നേട്ടങ്ങൾ കൈവരിച്ച ശേഷമാണ് അദ്ദേഹം മാരത്തണിലേക്ക് ചുവടുമാറ്റിയത്.
Content Highlights: Sawan Barwal won the silver medal in the Asian Games men's marathon., Ended India's 44-year wait for an Asian Games marathon medal since 1982., Broke his own national record with a timing of 2 hours 11 minutes 37 seconds., Became the first Indian to win an Asian Games marathon medal on foreign soil.
Published: 26 Sept 2026, 09:49 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented