ക്വലാലംപൂര്: മലേഷ്യന് ഓപ്പണ് സൂപ്പര് 1000 ബാഡ്മിന്റണ് കിരീടത്തിലേക്ക് ഒരു ജയമകലെ സാത്വിക്സായ്രാജ് - ചിരാഗ് ഷെട്ടി സഖ്യം. സെമിയില് കൊറിയയുടെ ലോകചാമ്പ്യന്മാരായ സിയോ സ്യൂങ് ജെയ് -കങ് മിന് ഹ്യുക്ദിഷ്ദ് സഖ്യത്തെ നേരിട്ടുള്ള ഗെയിമുകള്ക്ക് പരാജയപ്പെടുത്തിയാണ് ഇന്ത്യന് സഖ്യത്തിന്റെ ഫൈനല് പ്രവേശം.
ഏഷ്യന് ഗെയിംസ് ചാമ്പ്യന്മാരും ലോക രണ്ടാം നമ്പര് താരവുമായ ഇന്ത്യന് ജോഡി, 21-18, 22-20 സ്കോറിനാണ് കൊറിയന് സഖ്യത്തെ തോല്പ്പിച്ചത്. രണ്ടാം ഗെയിമില് ആദ്യം പിന്നിട്ടുനിന്നശേഷം ഇന്ത്യന് താരങ്ങള് തിരിച്ചുവരവ് നടത്തുകയായിരുന്നു.
ജയത്തോടെ സൂപ്പര് 1000 രണ്ടാം കിരീടമാണ് സാത്വിക് - ചിരാഗ് സഖ്യം ലക്ഷ്യമിടുന്നത്. കഴിഞ്ഞ വര്ഷം ജൂണില് ഇന്ഡൊനീഷ്യന് ഓപ്പണില് കിരീടം നേടിയിരുന്നു. അന്നും ഇതേ കൊറിയന് സഖ്യത്തെ തോല്പ്പിച്ചായിരുന്നു ഫൈനലില് പ്രവേശിച്ചത്. കഴിഞ്ഞ വര്ഷം ഏഷ്യന് ഗെയിംസ് സ്വര്ണം, ഏഷ്യന് ചാമ്പ്യന്ഷിപ്പ്, ഇന്ഡൊനീഷ്യന് സൂപ്പര് 1000, കൊറിയ സൂപ്പര് 500, സ്വിസ് ഓപ്പണ് സൂപ്പര് 300 കിരീടങ്ങള് എന്നിവ കൊണ്ട് സമ്പന്നമായിരുന്നു സാത്വിക് - ചിരാഗ് സഖ്യത്തിന്റെ കരിയര്.
Content Highlights: satwik and chirag entered mens double final malaysia open
Published: 13 Jan 2024, 09:09 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented