ക്രൈസ്റ്റ്ചര്ച്ച്: ചരിത്രത്തില് ആദ്യമായി ജേഴ്സിയുടെ ഭാഗമായി വെളുത്ത നിറത്തിലുള്ള ഷോര്ട്സ് ഒഴിവാക്കാനൊരുങ്ങി ന്യൂസീലന്ഡ് വനിതാ ഫുട്ബോള് ടീം. കളിക്കാരില് ചിലര് ആര്ത്തവത്തെ കുറിച്ച് പ്രകടിപ്പിച്ച ആശങ്കകള് അംഗീകരിച്ചുകൊണ്ട് ന്യൂസീലന്ഡ് സോക്കര് അസോസിയേഷനാണ് ഈ തീരുമാനം കൈക്കൊണ്ടത്.
പലപ്പോഴും ആര്ത്തവമുള്ള ദിവസങ്ങളില് വെളുത്ത ഷോര്ട്സ് ധരിച്ച് കളിക്കാനിറങ്ങുന്നത് താരങ്ങളെ നിരന്തരം ആശങ്കയിലാക്കുന്ന കാര്യമാണ്. ഇത് അടുത്ത കാലത്തായി വിവിധ വനിതാ ടീമുകളെ അവരുടെ യൂണിഫോം പോളിസിയില് മാറ്റംവരുത്താന് നിര്ബന്ധിതരാക്കിയിരുന്നു.
ന്യൂസീലന്ഡും അമേരിക്കയും ഇംഗ്ലണ്ടും ഉള്പ്പെടെ തങ്ങളുമായി കരാറുള്ള 13 വനിതാ ദേശീയ ടീമുകള്ക്കുള്ള പുതിയ ജേഴ്സികള് നൈക്കി കഴിഞ്ഞ ദിവസം പുറത്തിറക്കിയിരുന്നു. വിവിധ ദേശീയ ടീമുകളിലെ താരങ്ങള് ആവശ്യപ്പെട്ടതനുസരിച്ച് ഇത്തവണ വെളുത്ത ഷോര്ട്സ് ഒഴിവാക്കിയാണ് നൈക്കി ജേഴ്സികള് പുറത്തിറക്കിയിരിക്കുന്നത്.
Content Highlights: New Zealand womens soccer team to avoid white shorts concerns bout periods
Published: 05 Apr 2023, 10:13 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented