ന്യൂഡൽഹി: ഡൽഹി പ്രീമിയർ ലീഗ് ക്രിക്കറ്റിനിടെ അമ്പയർക്ക് പരിക്കേറ്റു. ഈസ്റ്റ് ഡൽഹി റൈഡേഴ്‌സും ന്യൂഡൽഹി ടൈഗേഴ്‌സും തമ്മിലുള്ള മത്സരം നിയന്ത്രിക്കുകയായിരുന്ന അമ്പയർ ധർമേഷ് ഭരദ്വാജിനാണ് പന്തിടിച്ച് മുഖത്ത് പരിക്കേറ്റത്. ആശുപത്രിയിൽ പ്രവേശിപ്പിക്കപ്പെട്ട ഭരദ്വാജ് തീവ്രപരിചരണ വിഭാഗത്തിൽ ചികിത്സയിലാണ്.

To advertise here,

ന്യൂഡൽഹി അരുൺ ജെയ്റ്റ്‌ലി സ്‌റ്റേഡിയത്തിൽ നടന്ന മത്സരത്തിന്റെ പതിനെട്ടാം ഓവറിലായിരുന്നു സംഭവം. ന്യൂഡൽഹി ടൈഗേഴ്‌സിന്റെ ലക്ഷ്യ തരേജയുടെ സ്‌ട്രെയിറ്റ് ഡ്രൈവിൽ നിന്ന് ഒഴിഞ്ഞുമാറാൻ ഭരദ്വാജ് ശ്രമിച്ചെങ്കിലും ഫലമണ്ടായില്ല. പന്ത് വലത്തെ കവിളിൽ ശക്തിയോടെ വന്നിടിച്ചു.

വേദന കൊണ്ട് പുളഞ്ഞ് നിലത്തിരുന്നുപോയ ഭരദ്വാജിനെ പിന്നീട് ആശുപത്രിയിലേയ്ക്ക് മാറ്റുകയായിരുന്നു. ഭരദ്വാജിന് ഡിപിഎല്ലിൽ തന്നെ നേരത്തെ പന്തിടിച്ച് തോളിനും പരിക്കേറ്റിരുന്നു.