നഗോയ: ഏഷ്യൻ ഗെയിംസ് വുഷുവിൽ ഫൈനലിൽ കടന്ന് ഇന്ത്യയുടെ റോഷിബിന ദേവി. വനിതകളുടെ 60 കിലോഗ്രാം വിഭാഗത്തിൽ ഇൻഡൊനീഷ്യയുടെ താനിയ കുസുമനിങ്ത്യാസിനെ 2-0ത്തിന് തോൽപ്പിച്ചാണ് ഇന്ത്യൻ താരത്തിന്റെ മുന്നേറ്റം. ഏഷ്യൻ ഗെയിംസ് വുഷുവിൽ ഇന്ത്യയുടെ മികച്ച പ്രകടനം കൂടിയാണിത്. വ്യാഴാഴ്ച നടക്കുന്ന ഫൈനലിൽ ചൈനയുടെ സാങ് സിയായുവാണ് എതിരാളി. നേരത്തെ ക്വാർട്ടർ ഫൈനലിൽ മക്കാവുവിന്റെ ചു മൻ സിന്നിനെയാണ് മണിപ്പൂരുകാരി തോൽപ്പിച്ചത്. അതേസമയം നാലാം ദിനം മീരാബായ് ചാനു ചരിത്ര വെള്ളി സ്വന്തമാക്കിയിരുന്നു. ഭാരോദ്വഹനത്തിൽ വനിതകളുടെ 49 കിലോഗ്രാം വിഭാഗത്തിലാണ് ചാനുവിന്റെ നേട്ടം. ഏഷ്യൻ ഗെയിംസ് കരിയറിലെ മീരാബായ് ചാനുവിന്റെ ആദ്യ മെഡൽ നേട്ടമാണിത്. ഭാരോദ്വഹനത്തിൽ ഇന്ത്യയുടെ 28 വർഷത്തെ കാത്തിരിപ്പാണ് മീരാബായി ചാനു അവസാനിപ്പിച്ചത്. ഭാരോദ്വഹനത്തിൽ 1998 ഗെയിംസിനു ശേഷമുള്ള ഇന്ത്യയുടെ ആദ്യ മെഡലാണിത്.

To advertise here,

ഏഷ്യൻ ഗെയിംസ് സോഫ്റ്റ് ടെന്നീസിൽ ഇന്ത്യയുടെ ആദ്യ മെഡൽ ഉറപ്പാക്കി ജയ് മീന ചരിത്രം കുറിച്ചു. ആവേശകരമായ മത്സരത്തിൽ ഫിലിപ്പീൻസിന്റെ ഷെർവിൻ നുഗുയിറ്റിനെ പരാജയപ്പെടുത്തിയാണ് ജയ് മീന സെമിഫൈനലിൽ പ്രവേശിച്ചത്.

തീപാറുന്ന പോരാട്ടത്തിൽ 4-3 (0-4, 4-2, 2-4, 5-3, 2-4, 7-5) എന്ന സ്‌കോറിനായിരുന്നു ജയ് മീനയുടെ വിജയം. സെമിഫൈനലിൽ എത്തിയതോടെ ഏഷ്യൻ ഗെയിംസ് സോഫ്റ്റ് ടെന്നീസിന്റെ ചരിത്രത്തിൽ ഇന്ത്യ നേടുന്ന ആദ്യ മെഡലായി ഇത് മാറി.