
ഇന്ത്യന് വെല്സ്: ടെന്നീസ് താരം ആന്ഡി മറേയുടെ വിവാഹ മോതിരവും ഷൂസും മോഷണം പോയി. എന്നാല് നഷ്ടപ്പെട്ട് 24 മണിക്കൂറിനുള്ളില് അത് തിരികെ കിട്ടുകയും ചെയ്തു. ഇതോടെ മറെയുടെ സങ്കടം സന്തോഷമായി മാറി.
ഇന്ത്യന് വെല്സ് മാസ്റ്റേഴ്സില് മത്സരിക്കുന്ന മറെ പരിശീലനത്തിന് ഇറങ്ങിയപ്പോഴാണ് മോതിരവും ഷൂവും നഷ്ടപ്പെട്ടത് അറിഞ്ഞത്. ഷൂവില് നിന്ന് ദുര്ഗന്ധം വന്നതോടെ പാര്ക്കിങ് ഏരിയയിലെ കാറിന് അടിയില്വെച്ച് മറെ പരിശീലനത്തിന് ഇറങ്ങുകയായിരുന്നു. രാത്രിയില് ഇത് ആരോ മോഷ്ടിച്ചു. അടുത്ത ദിവസം പരിശീലനത്തിന് ഇറങ്ങിയപ്പോഴാണ് ഷൂ നഷ്ടപ്പെട്ടതായി ബ്രിട്ടീഷ് താരം അറിയുന്നത്. ഷൂ ലെയ്സിലായിരുന്നു വിവാഹ മോതിരം കെട്ടിയിരുന്നത്.
ഇതോടെ താരം ആകെ സങ്കടത്തിലായി. മോതിരവും ഷൂവും നഷ്ടപ്പെട്ടെന്നും താന് ആകെ സങ്കടത്തിലാണെന്നും കണ്ടെത്താന് സഹായിക്കണമെന്നും ആവശ്യപ്പെട്ട് താരം ഇന്സ്റ്റഗ്രാമില് വീഡിയോ പോസ്റ്റ് ചെയ്തു. വിഡ്ഢി, കോമാളി തുടങ്ങിയ ഹാഷ് ടാഗോടു കൂടിയായിരുന്നു മറെ ഈ വീഡിയോ പങ്കുവെച്ചത്. പിന്നീട് ഇവ രണ്ടും തിരിച്ചുകിട്ടിയെന്ന് വ്യക്തമാക്കി മറെ മറ്റൊരു വീഡിയോ കൂടി പോസ്റ്റ് ചെയ്തു. ആ ഷൂ മണക്കുന്നുണ്ടെങ്കിലും താന് സന്തോഷത്തിലാണെന്ന് വീഡിയോയില് ബ്രിട്ടീഷ് താരം പറയുന്നു.
Content Highlights: Andy Murray has been reunited with his shoes and wedding ring
Published: 08 Oct 2021, 09:45 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented