ലണ്ടന്: ഓള് ഇംഗ്ലണ്ട് ബാഡ്മിന്റണ് ചാമ്പ്യന്ഷിപ്പിന്റെ 125-ാം എഡിഷന് ചൊവ്വാഴ്ച തുടക്കം. ബാഡ്മിന്റണിലെ ഏറ്റവും പെരുമയുള്ള ടൂര്ണമെന്റില് പുരുഷ ഡബിള്സിലാണ് ഇന്ത്യ കൂടുതല് പ്രതീക്ഷ വെക്കുന്നത്. ഫ്രഞ്ച് ഓപ്പണില് കപ്പുയര്ത്തിയതിന്റെ ആത്മവിശ്വാസത്തില്, ലോക ഒന്നാംനമ്പര് ജോഡികളായ ഇന്ത്യയുടെ സാത്വിക് സായ്രാജ് രങ്കി റെഡ്ഡി-ചിരാഗ് ഷെട്ടി സഖ്യം ഇറങ്ങുന്നു.
പുരുഷ സിംഗിള്സില് ലക്ഷ്യസെന്നും മലയാളിതാരം എച്ച്.എസ്. പ്രണോയിയും വനിത സിംഗിള്സില് പി.വി. സിന്ധുവും കിരീടപ്രതീക്ഷയിലാണ്. വനിതാ ഡബിള്സില് കഴിഞ്ഞതവണ സെമിഫൈനലില് കടന്ന മലയാളിതാരം ട്രീസ ജോളി-ഗായത്രി ഗോപീചന്ദ് സഖ്യവും പ്രതീക്ഷയിലാണ്.
ചരിത്രത്തില് രണ്ട് ഇന്ത്യന് താരങ്ങള് മാത്രമാണ് ഓള് ഇംഗ്ലണ്ട് ചാമ്പ്യന്ഷിപ്പില് കിരീടം നേടിയിട്ടുള്ളത്. പുരുഷ സിംഗിള്സില് പ്രകാശ് പദുക്കോണും (1980), പി. ഗോപീചന്ദും (2001). ലക്ഷ്യസെന് (2022) റണ്ണറപ്പായി. വനിതകളില് സൈന നേവാള് (2015) ഫൈനലില് കീഴടങ്ങി.
Content Highlights: all england badminton championship 2024
Published: 12 Mar 2024, 10:23 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented