സെനഗൽ സൂപ്പർ താരം സാദിയോ മാനെ അന്താരാഷ്ട്ര ഫുട്ബോളിൽനിന്ന് വിരമിച്ചു. 2026 ഫിഫ ലോകകപ്പ് നോക്കൗട്ടിൽ ബെൽജിയത്തോട് രണ്ടിനെതിരേ മൂന്ന് ഗോളുകൾക്ക് പരാജയപ്പെട്ടതിനു പിന്നാലെയാണ് വിരമിക്കൽ. സെനഗൽ മാധ്യമത്തിൽ പ്രസിദ്ധീകരിച്ച പ്രസ്താവനയിലൂടെയാണ് താരം തന്റെ അന്താരാഷ്ട്ര കരിയറിന് വിരാമമിടുന്നതായി അറിയിച്ചത്.
130 മത്സരങ്ങളിൽ രാജ്യത്തിനായി കളത്തിലിറങ്ങിയ ഈ 34-കാരൻ, 14 വർഷത്തെ അന്താരാഷ്ട്ര കരിയറിനാണ് വിരാമമിടുന്നത്. 54 ഗോളുകളും 29 അസിസ്റ്റുകളും സാദിയോയുടെ പേരിലുണ്ട്. 2012-ലാണ് സാദിയോ മാനെ കരിയർ ആരംഭിച്ചത്. 2021-ൽ ഈജിപ്തിനെ പെനാൽറ്റി ഷൂട്ടൗട്ടിൽ പരാജയപ്പെടുത്തി ആദ്യ ആഫ്രിക്കൻ നേഷൻസ് കപ്പ് സെനഗലിന് നേടിക്കൊടുക്കുന്നതിൽ അദ്ദേഹം പ്രധാന പങ്കുവഹിച്ചു. ഇംഗ്ലീഷ് ക്ലബ്ബായ ലിവർപൂളിലും മികച്ച പ്രകടനം നടത്തി.
ദേശീയ പതാകയ്ക്കായി താൻ എല്ലാം ത്യാഗംചെയ്തതായും ജന്മനാടിനായി കഠിനമായി പോരാടിയതായും മാനെ പ്രസ്താവനയിൽ വ്യക്തമാക്കി. ഈ വർഷത്തെ ലോകകപ്പിൽ ഫ്രാൻസ്, നോർവേ, ഇറാഖ് എന്നിവരടങ്ങുന്ന ശക്തമായ ഗ്രൂപ്പിൽ ഉൾപ്പെട്ട സെനഗൽ, ആദ്യമത്സരത്തിൽ ഫ്രാൻസിനോടും രണ്ടാംമത്സരത്തിൽ നോർവേയോടും പരാജയപ്പെട്ട് പുറത്താകലിന്റെ വക്കിലായിരുന്നു. എന്നാൽ, അവസാന മത്സരത്തിൽ ഇറാഖിനെ തോൽപ്പിച്ച് മികച്ച മൂന്നാംസ്ഥാനക്കാരായി നോക്കൗട്ടിലെത്തി.
Published: 10 Jul 2026, 09:55 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented