ലണ്ടന്: ഇംഗ്ലീഷ് പ്രീമിയര് ലീഗില് റെക്കോഡ് സ്വന്തമാക്കി ലിവര്പൂളിന്റെ മുന്നേറ്റതാരം മുഹമ്മദ് സല. പ്രീമിയര് ലീഗിലെ ഒരു സീസണില് ഏറ്റവുമധികം ഗോളും അസിസ്റ്റും നേടുന്ന താരം എന്ന റെക്കോഡാണ് ഈജിപ്ഷ്യന് താരം സ്വന്തമാക്കിയത്.
ഈ സീസണിലെ ടോപ് സ്കോറര്ക്കും കൂടുതല് അസിസ്റ്റ് നേടിയ താരത്തിനുമുള്ള പുരസ്കാരം സലയാണ് സ്വന്തമാക്കിയത്. 23 ഗോള് നേടിയ സല 13 അസിസ്റ്റുകളും നല്കി. ടോപ് സ്കോററുടെ പുരസ്കാരം ടോട്ടനത്തിന്റെ സണ് ഹ്യൂങ് മിന്നുമായി സല പങ്കുവെച്ചു. സണ്ണിനും 23 ഗോളുണ്ട്.
Also Read
അസിസ്റ്റില് ലിവര്പൂളിലെ സഹതാരമായ ട്രെന്റ് അലക്സാണ്ടര് അര്ണോള്ഡിനെ മറികടന്ന് സല പുരസ്കാരം നേടി. അര്ണോള്ഡിന് 12 അസിസ്റ്റാണുള്ളത്.
സലയ്ക്ക് മുന്പ് ടോട്ടനത്തിന്റെ ഇംഗ്ലീഷ് താരം ഹാരി കെയ്നാണ് ഈ നേട്ടം സ്വന്തമാക്കിയത്. 2020-2021 സീസണിലാണ് താരം ഈ നേട്ടം സ്വന്തമാക്കിയത്. അന്ന് 23 ഗോളും 14 അസിസ്റ്റുമാണ് കെയ്നിന്റെ അക്കൗണ്ടിലുണ്ടായിരുന്നത്.
Content Highlights: mohamed salah, salah, epl top scorer, epl most assists, english premier league 2021-2022, football
Published: 23 May 2022, 08:37 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented