ബാഴ്സലോണ: സ്പാനിഷ് ലീഗില്‍ അത്‌ലറ്റിക്ക് ബില്‍ബാവോക്കെതിരായ മത്സരത്തിലെ ജയത്തോടെ ബാഴ്സലോണ വീണ്ടും ഒന്നാമത്. സ്വന്തം മൈതാനത്ത് നടന്ന മത്സരത്തില്‍ എതിരില്ലാത്ത ഒരു ഗോളിനായിരുന്നു ബാഴ്‌സയുടെ ജയം.
സൂപ്പര്‍ താരം ലയണല്‍ മെസ്സിയുടെ 700-ാം കരിയര്‍ ഗോള്‍ കാത്തിരുന്നവര്‍ക്ക് നിരാശയായിരുന്നു ഫലം. ജന്മദിനത്തില്‍ മെസ്സി ആ നാഴികക്കല്ല് പിന്നിടുന്നത് ആരാധകര്‍ കാത്തിരുന്നു. എന്നാല്‍ 71-ാം മിനിറ്റില്‍ ഇവാന്‍ റാക്കിറ്റിച്ചിന്റെ ഗോളിലാണ് ബാഴ്‌സ ജയം സ്വന്തമാക്കിയത്. ഇതോടെ 31 മത്സരങ്ങളില്‍ നിന്ന് 68 പോയന്റുമായി ബാഴ്‌സയാണ് ലീഗില്‍ ഒന്നാമത്.
ലീഗിലെ മറ്റൊരു മത്സരത്തില്‍ അത്ലറ്റികോ മാഡ്രിഡ് 1-0ന് ലെവന്റെയെ തോല്‍പ്പിച്ചപ്പോള്‍ ഗെറ്റാഫെ- വല്ലഡോലിഡ് മല്‍സരം 1-1ന് സമനിലയില്‍ പിരിഞ്ഞു.
Content Highlights: Ivan Rakitić scores barcelona beat Athletic Club
Published: 24 Jun 2020, 10:36 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented