ധാക്ക: സാഫ് ചാമ്പ്യൻഷിപ്പിൽ ഭൂട്ടാനെ ഒന്നിനെതിരെ രണ്ട് ഗോളിന് പരാജയപ്പെടുത്തി ഇന്ത്യ ഫൈനലിൽ. ഇന്ത്യക്കായി മലയാളി താരം വിഷ്ണു പി.വിയും ക്യാപ്റ്റൻ ചിൻഗ്ലെൻസെന കോൻഷമും ഗോൾ നേടി. കിങ്‌സാങ് താഷിയാണ് ഭൂട്ടാന്റെ ഗോൾ സ്‌കോറർ.

To advertise here,

ഒമ്പതാം മിനിറ്റിൽ വിഷ്ണുവിലൂടെ ഇന്ത്യ ലീഡെടുത്തു. 27-ാം മിനിറ്റിലായിരുന്നു കോൻഷമിന്റെ ഗോൾ വന്നത്. രണ്ടാം പകുതിയിലാണ് ഭൂട്ടാൻ ഒരു ഗോൾ തിരിച്ചടിച്ചത്.

ഗ്രൂപ്പ് ബിയിൽ നിന്ന് ജേതാക്കളായാണ് ഇന്ത്യ സെമിയിലെത്തിയത്. പാകിസ്താനെ 3-2ന് തോൽപ്പിച്ച് തുടങ്ങിയ ഇന്ത്യ രണ്ടാം മത്സരത്തിൽ മാലദ്വീപിനേയും പരാജയപ്പെടുത്തി. നിലവിലെ ചാമ്പ്യൻമാരായ ഇന്ത്യ രണ്ടാം നിര ടീമുമായാണ് ചാമ്പ്യൻഷിപ്പിനെത്തിയത്. ന്യൂസീലൻഡുമായി സൗഹൃദ മത്സരമുള്ളതിനാലാണ് സാഫിൽ ഇന്ത്യ രണ്ടാം നിരയെ അയച്ചത്.