ന്യൂഡല്ഹി: ഫിഫ ഫുട്ബോള് ലോക റാങ്കിങ്ങില് ഇന്ത്യ രണ്ട് സ്ഥാനംകൂടി താഴേക്കിറങ്ങി 126-ാം സ്ഥാനത്ത്. അടുത്ത കാലത്തെ ഇന്ത്യയുടെ ഏറ്റവും മോശം റാങ്കിങ്ങാണിത്. പട്ടികയില് ലോകചാമ്പ്യന്മാരായ അര്ജന്റീന ഒന്നാംസ്ഥാനത്ത് തുടരുന്നു. ഈവര്ഷം ഇത് അഞ്ചാമതാണ് ഇന്ത്യ റാങ്കിങ്ങില് താഴേക്ക് പതിക്കുന്നത്.
മനോളോ മാര്ക്വേസ് മുഖ്യ പരിശീലകനായി സ്ഥാനമേറ്റെടുക്കുമ്പോള് 124-ാം സ്ഥാനത്തായിരുന്നു ഇന്ത്യ. 102-ാം സ്ഥാനത്തുണ്ടായിരുന്ന ഇന്ത്യ, 2023 എ.എഫ്.സി. ഏഷ്യന് കപ്പില് തകര്ന്നതോടെ റാങ്കിങ്ങില് താഴേക്ക് പോക്ക് തുടര്ന്നു. അന്ന് 117-ാം സ്ഥാനത്തേക്ക് പതിച്ചിരുന്നു. തുടര്ന്ന് 2026 ലോകകപ്പ് യോഗ്യതാ റൗണ്ടില് അഫ്ഗാനിസ്താനോട് തിരിച്ചടിയേറ്റതോടെ 121-ലെത്തി. തുടര്ന്ന് കുവൈത്തിനോട് സമനില പാലിച്ചതും ഖത്തറിനോട് തോറ്റതും വഴി 124-ലെത്തി.
അടുത്തിടെ നടന്ന ഇന്റര്കോണ്ടിനന്റല് കപ്പില് റാങ്കിങ്ങില് ഇന്ത്യയെക്കാള് ഏറെ താഴെയുള്ള മൗറീഷ്യസിനോട് സമനില പാലിച്ചതും തുടര്ന്ന് സിറിയയോട് 3-0ന് പരാജയപ്പെട്ടതുമാണ് ഇപ്പോഴത്തെ പതനത്തിന് കാരണം. അര്ജന്റീന, ഫ്രാന്സ്, സ്പെയിന്, ഇംഗ്ലണ്ട്, ബ്രസീല് എന്നിങ്ങനെയാണ് ആദ്യ അഞ്ച് റാങ്കുകാര്.
Content Highlights: fifa football world ranking india
Published: 20 Sept 2024, 09:31 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented