ന്യൂയോർക്ക്: ലോകകപ്പ് ഗ്രൂപ്പ് ഘട്ടത്തിൽ ജോർദാനെതിരായ മത്സരത്തിൽ അർജന്റീനയുടെ ആദ്യ ഗോൾ പിറന്നത് ഗോൾകീപ്പർ എമിലിയാനോ മാർട്ടിനസ് ഒരുക്കിയ ഫിൽഡിന്റെ മറവിലോ. മത്സരത്തിൽ അർജന്റീന ഒന്നിനെതിരേ മൂന്ന് ഗോളുകൾക്ക് ജയിച്ചു. കളിയുടെ 19-ാം മിനിറ്റിൽ ലോ സെൽസോ ഫ്രീകിക്കെടുക്കുമ്പോഴായിരുന്നു ഈ തന്ത്രം കണ്ടത്. മാർക്കോസ് സെനേസി, നിക്കോളാസ് ഒട്ടമെൻഡി, ജൂലിയാനോ സിമിയോണി എന്നിവർ ചേർന്ന് എതിർ ഗോൾക്കീപ്പറെ മറയ്ക്കാൻ പ്രതിരോധ മതിൽ തീർത്തു.
ഗോൾകീപ്പർ മാർട്ടിനെസ് ദൂരെനിന്ന് നിർദേശങ്ങൾ നൽകിയാണ് ഇവരെ ഗോളിയുടെ കാഴ്ചമറച്ച് മതിലായി അണിനിരത്തിയത്. ലോ സെൽസോ പന്തടിക്കാൻ ആഞ്ഞ നിമിഷം ഈ മൂന്ന് കളിക്കാരും പെട്ടെന്ന് മാറിനിന്നു. ഇതോടെ പന്തിന് പോകാൻ വഴി തുറന്നുകിട്ടി. പന്ത് നേരെ ഇടതു ടോപ്പ് കോർണറിലേക്ക് പറന്നിറങ്ങി അർജന്റീനയ്ക്ക് ലീഡ് സമ്മാനിച്ചു. എമിലിയാനോയെ പുകഴ്ത്തിക്കൊണ്ട്, ഇതിന്റെ ദൃശ്യങ്ങൾ വ്യാപകമായി പ്രചരിക്കുന്നു.
തുടർച്ചയായ മൂന്ന് ജയങ്ങളോടെ ഒൻപത് പോയിന്റുമായി അർജന്റീന ഗ്രൂപ്പ് ജെ-യിൽ ഒന്നാമതെത്തി. റൗണ്ട് ഓഫ് 32-ൽ കേപ് വെർദെയാണ് അർജന്റീനയുടെ എതിരാളികൾ. ഗ്രൂപ്പ് ഘട്ടത്തിൽ എട്ട് ഗോളുകൾ അടിച്ച മെസ്സിയും സംഘവും ഒരു ഗോൾ മാത്രമാണ് വഴങ്ങിയത്.
Content Highlights: Innovative three-man decoy wall tactic used for Lo Celso's free-kick goal., Argentina faces Cape Verde in the 2026 World Cup Round of 32
Published: 29 Jun 2026, 11:38 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented