മുംബൈ: ആഭ്യന്തരക്രിക്കറ്റില് ഗോവയിലേക്ക് ചേക്കേറാനുള്ള തീരുമാനം മാറ്റി ഇന്ത്യന് യുവ ബാറ്റര് യശസ്വി ജയ്സ്വാള്. അടുത്ത സീസണില് മുംബൈക്കായി കളിക്കാന് അനുവദിക്കണമെന്ന് ആവശ്യപ്പെട്ട് രംഗത്തെത്തിയിരിക്കുകയാണ് താരം. ടീം മാറാനായി എന്ഒസി ആവശ്യപ്പെട്ട് മുംബൈ ക്രിക്കറ്റ് അസോസിയേഷന് ഇ-മെയില് അയച്ചതിന് പിന്നാലെയാണ് താരം തീരുമാനം മാറ്റിയത്.
എന്ഒസി പിന്വലിക്കണമെന്നാവശ്യപ്പെട്ട് വീണ്ടും മുംബൈ ക്രിക്കറ്റ് അസോസിയേഷന് ജയ്സ്വാള് മെയില് അയച്ചിട്ടുണ്ട്. അടുത്ത സീസണില് മുംബൈക്കായി കളിക്കാന് സന്നദ്ധനാണെന്നും താരം അറിയിച്ചിട്ടുണ്ട്. ഗോവയിലേക്ക് മാറാൻ കുടുംബപരമായ പദ്ധതികൾ ഉണ്ടായിരുന്നെങ്കിലും അത് വെട്ടിച്ചുരുക്കിയതായും തനിക്ക് നൽകിയ എൻഒസി പിൻവലിക്കുവാനുള്ള അഭ്യർഥന പരിഗണിക്കണമെന്നും ജയ്സ്വാൾ ഇ-മെയിലിൽ പറയുന്നു. എൻഒസി ഗോവ ക്രിക്കറ്റ് അസോസിയേഷനോ ബി.സി.സി.ഐക്കോ സമർപ്പിച്ചിട്ടില്ലെന്നും താരം വ്യക്തമാക്കുന്നു.
ഈ വർഷം ഏപ്രിലിലാണ് ജയ്സ്വാൾ മുംബൈ വിട്ട് ഗോവയിലേക്ക് ചേക്കേറാനൊരുങ്ങുന്നതായുള്ള വാർത്ത പുറത്തുവന്നത്. ബോര്ഡര് ഗാവസ്ക്കര് ട്രോഫിക്കു ശേഷം തിരികെയെത്തിയ ജയ്സ്വാള് മുംബൈക്കായി രഞ്ജി ട്രോഫിയില് കളത്തിലിറങ്ങുകയും ചെയ്തിരുന്നു. താരങ്ങള് അന്താരാഷ്ട്ര മത്സരങ്ങളില്ലാത്ത സമയത്ത് ആഭ്യന്തര മത്സരങ്ങള് കളിക്കണമെന്ന് ബിസിസിഐയുടെ കര്ശന നിര്ദേശത്തിന്റെ പശ്ചാത്തലത്തിലായിരുന്നു ഇത്. അടുത്തിടെ അര്ജുന് തെണ്ടുല്ക്കര്, സിദ്ധേഷ് ലാഡ് എന്നിവരും മുംബൈ ടീം വിട്ട് ഗോവന് ടീമിലേക്ക് മാറിയിരുന്നു
Content Highlights: Yashasvi Jaiswals request to play for mumbai
Published: 09 May 2025, 09:25 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented