ഗാള്‍: ഓസ്‌ട്രേലിയ - ശ്രീലങ്ക രണ്ടാം ക്രിക്കറ്റ് ടെസ്റ്റിനിടെ കനത്ത മഴയിലും കാറ്റിലും ഗാള്‍ രാജ്യാന്തര സ്‌റ്റേഡിയത്തിലെ ഗാലറി തകര്‍ന്നു. താത്കാലികമായി നിര്‍മിച്ച ഗാലറികളില്‍ ഒന്നാണ് തകര്‍ന്നത്. കനത്ത മഴയ്‌ക്കൊപ്പം വീശിയടിച്ച കാറ്റില്‍ താത്കാലിക ഗാലറിയുടെ മേല്‍ക്കൂര പൂര്‍ണമായും തകര്‍ന്ന് താഴേക്ക് പതിച്ചു.
ഈ സമയത്ത് ഓസ്ട്രേലിയന് താരങ്ങളോ മറ്റ് കാണികളോ ഇവിടെ ഇല്ലാതിരുന്നതിനാല്‍ വലിയ അപകടമൊഴിവായി. ഗാലറിയില്‍ ഒരുക്കിയിരുന്ന കസേരകളില്‍ പലതും പറന്ന് പോയിട്ടുണ്ട്. ഓസ്ട്രേലിയന് ടീം ഗ്രൗണ്ടിലേക്ക് വരുന്ന സമയത്തായിരുന്നു സംഭവം. കനത്ത മഴയും കാറ്റും തുടരുന്നതോടെ ശ്രീലങ്ക - ഓസ്‌ട്രേലിയ ഒന്നാം ക്രിക്കറ്റ് ടെസ്റ്റിന്റെ രണ്ടാം ദിവസത്തെ കളി വൈകി. ഉച്ചയ്ക്ക് ശേഷമാണ് രണ്ടാം ദിവസത്തെ മത്സരം ആരംഭിക്കാനായത്.
കനത്ത മഴയും കാറ്റും കാരണം പിച്ചും ഗ്രൗണ്ടും മൂടിയിടാന്‍ ഗ്രൗണ്ട് സ്റ്റാഫ് ബുദ്ധിമുട്ടുകയാണ്. അതേസമയം ആദ്യ ഇന്നിങ്‌സില്‍ 212 റണ്‍സിന് പുറത്തായ ലങ്കയ്‌ക്കെതിരേ ഒന്നാം ദിനം കളിനിര്‍ത്തുമ്പോള്‍ മൂന്ന് വിക്കറ്റ് നഷ്ടത്തില്‍ 98 റണ്‍സെന്ന നിലയിലായിരുന്നു ഓസ്‌ട്രേലിയ.
Content Highlights: Stand in Galle Stadium collapses after heavy rain
Published: 30 Jun 2022, 05:15 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented