ജൊഹനാസ്ബർഗ്: ബംഗ്ലാദേശിനെതിരായ ആദ്യ ടെസ്റ്റിൽ ആറ് വിക്കറ്റുമായി തിളങ്ങിയ സ്പിന്നർ സൈമൺ ഹാർമറാണ് ദക്ഷിണാഫ്രിക്കയ്ക്ക് വിജയമൊരുക്കിയത്. 51 റൺസ് വഴങ്ങി ആറ് വിക്കറ്റെടുത്ത സൈമൺ തന്റെ കരിയറിലെ നാലാമത്തെ അഞ്ച് വിക്കറ്റ് നേട്ടം സ്വന്തമാക്കുകയും ചെയ്തു. ടെസ്റ്റ് ക്രിക്കറ്റിന്റെ രണ്ടാം ഇന്നിങ്സിൽ 50 വിക്കറ്റുകളെന്ന നേട്ടം അദ്ദേഹം പിന്നിടുകയും ചെയ്തു.
നിലവിൽ 14 ഇന്നിങ്സുകളിൽ നിന്ന് 14.09 ശരാശരിയിൽ 53 വിക്കറ്റുകൾ സൈമണിന്റെ പേരിലുണ്ട്. കുറഞ്ഞത് 50 വിക്കറ്റുകളെങ്കിലും നേടിയിട്ടുള്ള കളിക്കാരിൽ ടെസ്റ്റ് മത്സരങ്ങളുടെ രണ്ടാം ഇന്നിങ്സിൽ ഏറ്റവും മികച്ച ബൗളിങ് ശരാശരി സ്വന്തമാക്കാനും സൈമണിന് കഴിഞ്ഞു. ഇതിന് മുമ്പ് ഇംഗ്ലീഷ് താരം ബോബി പീലിന്റെ പേരിലായിരുന്നു റെക്കോർഡ്. 1884-1896 കാലഘട്ടത്തിൽ കളിച്ച അദ്ദേഹത്തിന്റെ ശരാശരി 14.25 ആണ്.
ബംഗ്ലാദേശിനെതിരെ ആദ്യ ടെസ്റ്റിൽ ഒമ്പത് വിക്കറ്റിനായിരുന്നു ദക്ഷിണാഫ്രിക്കയുടെ വിജയം. ബംഗ്ലാദേശിന്റെ ആദ്യ ഇന്നിങ്സിലെ സ്കോറായ 400 റൺസിനെതിരെ ദക്ഷിണാഫ്രിക്ക 557 റൺസ് നേടി 157 റൺസിന്റെ ലീഡ് സ്വന്തമാക്കി. രണ്ടാം ഇന്നിങ്സിൽ ബംഗ്ലാദേശ് 168 റൺസിന് തകർന്നടിഞ്ഞതോടെ ദക്ഷിണാഫ്രിക്കയുടെ വിജയലക്ഷ്യം 12 റൺസായി. ഒരു വിക്കറ്റ് നഷ്ടത്തിൽ ദക്ഷിണാഫ്രിക്ക 12 റൺസ് അടിച്ച് വിജയിക്കുകയും ചെയ്തു.
Content Highlights: Simon Harmer took 6/51, securing his fourth career five-wicket haul., Harmer broke Bobby Peel's record for the best bowling average in the second innings of Test matches., South Africa defeated Bangladesh by nine wickets to lead the two-match series 1-0., The victory pushed South Africa to the top of the World Test Championship (WTC) standings., Captain Temba Bavuma will miss the second Test due to a calf injury.
Published: 20 Nov 2026, 10:52 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented