ലഖ്നൗ: വെസ്റ്റ് ഇന്‍ഡീസ് പേസര്‍ ഷമര്‍ ജോസഫിനെ സ്വന്തമാക്കി ഐ.പി.എല്‍. ടീമായ ലഖ്നൗ സൂപ്പര്‍ ജയന്റസ്. മൂന്നുകോടി രൂപയ്ക്കാണ് ഇരുപത്തിനാലുകാരനായ താരത്തെ ലഖ്നൗ സ്വന്തമാക്കിയത്. പരിക്കേറ്റ ഇംഗ്ലണ്ട് പേസര്‍ മാര്‍ക്ക് വുഡിന് പകരമായാണ് ഷമര്‍ ജോസഫിനെ പുതിയ സീസണിലേക്കുള്ള ടീമിലേക്ക് തിരഞ്ഞെടുത്തത്.
അടുത്തിടെ ഓസ്ട്രേലിയക്കെതിരെ ബ്രിസ്ബണില്‍ നടന്ന ടെസ്റ്റിലെ രണ്ടാം ഇന്നിങ്‌സില്‍ ഏഴു വിക്കറ്റുമായി വെസ്റ്റ് ഇന്‍ഡീസ് വിജയത്തിന് നേതൃത്വം നല്‍കിയത് ഷമറാണ്. ഗയാനയിലെ ഒരു ചെറിയ കുടുംബത്തില്‍ ജനിച്ച ഷമര്‍, കുട്ടിക്കാലം മുതല്‍തന്നെ ക്രിക്കറ്റ് തിരഞ്ഞെടുത്തു. 2023 ഫെബ്രുവരിയിലായിരുന്നു ഫസ്റ്റ്ക്ലാസ് അരങ്ങേറ്റം.
2022-ലാണ് മാര്‍ക് വുഡ് 7.50 കോടി രൂപയ്ക്ക് ലഖ്നൗവിലെത്തിയത്. പരിക്കിനെത്തുടര്‍ന്ന് ആ സീസണ്‍ നഷ്ടമായി. 2023-ല്‍ നാലുമത്സരങ്ങളില്‍ 11 വിക്കറ്റ് നേടിയിരുന്നു. ഇദ്ദേഹത്തിന് പകരമായാണ് ഷമര്‍ ടീമിലെത്തുന്നത്.
Content Highlights: shamar joseph lucknow super giants
Published: 11 Feb 2024, 10:28 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented