ചെന്നൈ: ഇന്ത്യ എ ടീമിന്റെ നായകനായി മലയാളിതാരം സഞ്ജു സാംസണ്‍ ഇന്ന് കളിക്കാനിറങ്ങുന്നു. സഞ്ജു നയിക്കുന്ന ഇന്ത്യ എ ടീം ന്യൂസീലന്‍ഡ് എ ടീമുമായി കൊമ്പുകോര്‍ക്കും. 

To advertise here,

സഞ്ജുവിന്റെ നേതൃത്വത്തില്‍ മികച്ച ടീമാണ് ന്യൂസീലന്‍ഡിനെതിരേ കളിക്കുന്നത്. മത്സരത്തില്‍ ടോസ് നേടിയ സഞ്ജു ന്യൂസീലന്‍ഡിനെ ബാറ്റിങ്ങിനയച്ചു. 

മത്സരത്തിന് മുന്നോടിയായി ഇന്ത്യന്‍ സീനിയര്‍ ടീമിലെത്തുന്നത് വെല്ലുവിളിയാണെന്ന് സഞ്ജു പറഞ്ഞു. 

'മത്സരിക്കാന്‍ ഒരുപിടി താരങ്ങളുണ്ട്. ടീമിലെത്തിയാലും ഇല്ലെങ്കിലും സ്വന്തം കളിയുടെ നിലവാരം കാത്തുസൂക്ഷിക്കുകയാണ് പ്രധാനം'- സഞ്ജു പറഞ്ഞു

'കഴിഞ്ഞ കുറെ വര്‍ഷങ്ങള്‍ക്കിടെ തന്റെ കളിയിലെ മാനങ്ങള്‍ മാറിയിട്ടുണ്ട്. ഓപ്പണര്‍ എന്നോ ഫിനിഷര്‍ എന്നോ, ബാറ്റിങ് ഓര്‍ഡറിലെ ഏതുസ്ഥാനത്തും കളിക്കാനാകുമെന്ന ആത്മവിശ്വാസമുണ്ട്. ഇന്ത്യ എ ടീമിന്റെ മത്സരങ്ങള്‍ പ്രധാനമാണ്. അന്താരാഷ്ട്ര മത്സരങ്ങളും എ ടീം മത്സരങ്ങളും തമ്മില്‍ വലിയ വ്യത്യാസമില്ല. കിട്ടിയ അവസരങ്ങള്‍ പ്രയോജനപ്പെടുത്തേണ്ടതുണ്ട് '-സഞ്ജു കൂട്ടിച്ചേര്‍ത്തു.

ഇന്ത്യ എ ടീം: സഞ്ജു സാംസണ്‍ (നായകന്‍), പൃഥ്വി ഷാ, ഋതുരാജ് ഗെയ്ക്‌വാദ്, രാഹുല്‍ ത്രിപാഠി, രജത് പട്ടിദാര്‍, ഷഹബാസ് അഹമ്മദ്, ഋഷി ധവാന്‍, ശാര്‍ദൂല്‍ ഠാക്കൂര്‍, കുല്‍ദീപ് യാദവ്, ഉമ്രാന്‍ മാലിക്ക്, കുല്‍ദീപ് സെന്‍