ലീഡ്സ്: ഇംഗ്ലണ്ടിനെതിരായ ഒന്നാം ക്രിക്കറ്റ് ടെസ്റ്റില് രണ്ട് ഇന്നിങ്സിലും സെഞ്ചുറി നേടിയതോടെ ഇന്ത്യന് താരം ഋഷഭ് പന്തിന്റെ പേരിലായത് അപൂര്വനേട്ടം. ടെസ്റ്റിന്റെ 148 വര്ഷത്തെ ചരിത്രത്തില് ഒരു ടെസ്റ്റിന്റെ രണ്ട് ഇന്നിങ്സിലും സെഞ്ചുറി നേടുന്ന രണ്ടാമത്തെ മാത്രം വിക്കറ്റ് കീപ്പര് ബാറ്ററെന്ന നേട്ടമാണ് പന്ത് സ്വന്തമാക്കിയത്. ഒന്നാം ഇന്നിങ്സില് 178 പന്തില് നിന്ന് 134 റണ്സെടുത്ത പന്ത്, രണ്ടാം ഇന്നിങ്സില് 140 പന്തില്നിന്ന് 118 റണ്സ് നേടി.
2001-ല് ഹരാരെയില് ദക്ഷിണാഫ്രിക്കയ്ക്കെതിരേ രണ്ട് ഇന്നിങ്സിലും സെഞ്ചുറി നേടിയ (142, 199*) സിംബാബ്വെയുടെ ആന്ഡി ഫ്ളവറാണ് ഈ നേട്ടം സ്വന്തമാക്കിയ ആദ്യ താരം.
ടെസ്റ്റിന്റെ രണ്ട് ഇന്നിങ്സിലും സെഞ്ചുറി നേടുന്ന ഏഴാമത്തെ ഇന്ത്യന് താരം കൂടിയാണ് പന്ത്. മാത്രമല്ല ഇംഗ്ലണ്ടില് ഒരു ടെസ്റ്റിന്റെ രണ്ട് ഇന്നിങ്സിലും സെഞ്ചുറി നേടുന്ന ആദ്യ ഇന്ത്യന് താരമെന്ന നേട്ടവും ഇനി പന്തിന് സ്വന്തം.
Content Highlights: Rishabh Pant becomes only the second wicketkeeper to score centuries in both innings of a Test match
Published: 23 Jun 2025, 09:31 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented