ഓക്ലൻഡ്: ന്യൂസീലന്ഡിന് എതിരായ ഏകദിനത്തില് ഇന്ത്യയ്ക്ക് ഏഴു വിക്കറ്റിന്റെ തോല്വി. ടോം ലാഥത്തിന്റെ തകർപ്പൻ ബാറ്റിങ്ങാണ് ഇന്ത്യയ്ക്ക് തിരിച്ചടിയായത്. ഇന്ത്യ ഉയർത്തിയ 307 റൺസ് വിജയലക്ഷ്യം ന്യൂസീലൻഡ് മൂന്ന് വിക്കറ്റ് നഷ്ടത്തിൽ മറികടന്നു. ആദ്യം ബാറ്റുചെയ്ത ഇന്ത്യ ഏഴുവിക്കറ്റിന് 306 റൺസാണ് നേടിയത്. ലാഥത്തിന്റെയും കെയ്ന് വില്യംസണിന്റെയും മികവുറ്റ പ്രകടനമാണ് ന്യൂസിലന്ഡിനെ വിജയത്തിലേക്ക് നയിച്ചത്. ലാഥം 104 റണ്സ് കരസ്ഥമാക്കിയപ്പോള് കെയ്ന് 94 റണ്സും നേടി.
40 ാം ഓവറാണ് മത്സരത്തില് നിര്ണായകമായത്. 39-ാം ഓവർ അവസാനിക്കുമ്പോൾ 66 ബോളുകളില് നിന്നായി 91 റണ്സായിരുന്നു ന്യൂസീലൻഡിന് വേണ്ടിയിരുന്നത്. തുടര്ന്ന് 40-ാം ഓവറില് നാല് ഫോറുകളും ഒരു സിക്സും ലാഥം നേടിയതോടെ കളി ന്യൂസിലന്ഡിന് അനുകൂലമായി തീരുകയായിരുന്നു. 19 ഫോറുകളും അഞ്ചു സിക്സുകളുമാണ് ലാഥത്തിന്റെ ബാറ്റിൽ നിന്ന് പിറന്നത്. വില്യംസണ് ഏഴ് ഫോറുകൾ നേടി.
ഇന്ത്യന് ബൗളർമാർക്കിടയിൽ ഉമ്രാൻ മാലിക് മികവുറ്റ പ്രകടനം കാഴ്ച വെച്ചു. ഏകദിനത്തിൽ അരങ്ങേറ്റ മത്സരത്തിൽ തന്നെ താരം രണ്ട് വിക്കറ്റെടുത്തു.
ആദ്യം ബാറ്റുചെയ്ത ഇന്ത്യയ്ക്ക് വേണ്ടി ശ്രേയസ്സ് അയ്യര് 80 ബോളുകളില് നിന്ന് 76 റണ്സ് നേടിയപ്പോള് ശിഖര് ധവാന് 77 ബോളുകളില് നിന്നായി 72 റണ്സും കരസ്ഥമാക്കി. ശുഭ്മാന് ഗില് 65 ബോളുകളില് നിന്നായി 65 റണ്സാണ് നേടിയത്. മലയാളി താരം സഞ്ജു സാംസണ് 38 പന്തുകളില് നിന്ന് 36 റണ്സെടുത്തപ്പോള് വാഷിങ്ടണ് സുന്ദര് വെടിക്കെട്ട് പ്രകടനം നടത്തി. 16 പന്തുകളില് നിന്ന് 37 റണ്സാണ് താരം നേടിയത്. വിക്കറ്റ് കീപ്പര് ഋഷഭ് പന്ത് വീണ്ടും നിരാശപ്പെടുത്തി.
Content Highlights: new zealand wins over india in odi
Published: 25 Nov 2022, 07:49 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented