തിരുവനന്തപുരം; കേരള ക്രിക്കറ്റ് ലീഗില്‍ തകര്‍പ്പന്‍ ഫോമിലാണ് ഓള്‍റൗണ്ടര്‍ ജലജ് സക്സേന. ആലപ്പി റിപ്പിള്‍സിനായി ബാറ്റിങ്ങിലും ബൗളിങ്ങിലും താരം മികച്ചുനില്‍ക്കുന്നു. മിന്നും ഫോമിലെങ്കിലും ഈ സീസണ്‍ രഞ്ജി ട്രോഫിയില്‍ താരത്തിന്റെ സേവനം കേരളത്തിന് ലഭ്യമാകില്ല. വ്യക്തിപരമായ കാരണങ്ങളാല്‍ ടൂര്‍ണമെന്റില്‍ പങ്കെടുക്കാന്‍ സാധിക്കില്ലെന്ന് താരം അറിയിച്ചതായി കേരള ക്രിക്കറ്റ് അസോസിയേഷന്‍ അധികൃതര്‍ അറിയിക്കുന്നു.
ക്രിക്കറ്റില്‍ നിന്ന് ഇടവേളയെടുക്കുന്നതായും ഈ സീസണില്‍ രഞ്ജി ട്രോഫി ടൂര്‍ണമെന്റില്‍ കളിക്കാനാവില്ലെന്നും ജലജ് സക്സേന അറിയിച്ചതായി കെസിഎ സെക്രട്ടറി വിനോദ് എസ്. കുമാര്‍ പറഞ്ഞു. യാത്ര ചെയ്യാന്‍ ഇഷ്ടപ്പെടുന്നില്ലെന്നും പ്രായമായ മാതാപിതാക്കള്‍ക്കൊപ്പം നില്‍ക്കാനാണ് താത്പര്യപ്പെടുന്നതെന്നും അദ്ദേഹം അറിയിച്ചിട്ടുണ്ട്. മറ്റു ടീമുകളില്‍ ചേരാനുള്ള പദ്ധതിയുണ്ടോ എന്നറിയില്ല. ഇതുവരെ എന്‍ഒസിക്ക് സമീപിച്ചിട്ടില്ല- വിനോദ് എസ്. കുമാര്‍ പറഞ്ഞു.
കഴിഞ്ഞ സീസണില്‍ രഞ്ജി ഫൈനലിലെത്തിയ കേരള ടീമിലെ നിര്‍ണായകസാന്നിധ്യമായിരുന്നു ജലജ്. 2016 മുതല്‍ കേരളത്തിനായി കളിച്ചുതുടങ്ങിയ താരം 2215 റണ്‍സും 269 വിക്കറ്റുമെടുത്തു. മൂന്ന് സെഞ്ചുറിയും പത്ത് അര്‍ധസെഞ്ചുറിയുമുണ്ട്.
Content Highlights: Jalaj Saxena unavailable for Keralas Ranji Trophy campaign cites personal reasons
Published: 28 Aug 2025, 08:40 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented