ബാര്‍ബഡോസ്: ബെറില്‍ ചുഴലിക്കൊടുങ്കാറ്റ് ആഞ്ഞടിച്ചതോടെ ബാര്‍ബഡോസില്‍ കുടുങ്ങിയ ഇന്ത്യന്‍ ക്രിക്കറ്റ് ടീമിന് ആശ്വാസം. ബിസിസിഐ ഏര്‍പ്പെടുത്തിയ പ്രത്യേക വിമാനത്തില്‍ ടീം ചൊവ്വാഴ്ച ഇന്ത്യയിലേക്ക് തിരിക്കും.
ടി20 ക്രിക്കറ്റ് ലോകകപ്പ് വിജയിച്ച ടീമിന്റെ മടക്കയാത്ര ചുഴലിക്കൊടുങ്കാറ്റ് കാരണം വൈകുകയായിരുന്നു. തിങ്കളാഴ്ച പുലര്‍ച്ചെ ടീം ഇന്ത്യയിലേക്ക് മടങ്ങേണ്ടതായിരുന്നു. എന്നാല്‍, ചുഴലിക്കൊടുങ്കാറ്റിനെത്തുടര്‍ന്ന് വിമാനത്താവളങ്ങള്‍ അടച്ചതോടെ യാത്ര മാറ്റിവെക്കേണ്ടിവന്നു. താരങ്ങളും കുടുംബാംഗങ്ങളും ഹോട്ടലില്‍ത്തന്നെ കഴിയുകയായിരുന്നു.
ഇതോടെയാണ് ബിസിസിഐ പ്രത്യേക വിമാനം ഏര്‍പ്പാടാക്കിയത്. ബുധനാഴ്ച വൈകുന്നേരം 7:45-ന് ഇന്ത്യന്‍ സംഘം ഡല്‍ഹിയില്‍ ഇറങ്ങുമെന്നാണ് പ്രതീക്ഷിക്കുന്നത്. ബി.സി.സി.ഐ സെക്രട്ടറി ജയ് ഷായും ടീമിനൊപ്പമുണ്ട്.
Content Highlights: indian cricket team to leave barbados amid hurricane threat
Published: 02 Jul 2024, 08:00 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented