ദോഹ: ഏഷ്യകപ്പ് റൈസിങ് സ്റ്റാർ ടൂർണമെന്റിൽ ഇന്ത്യ-പാക് പോരാട്ടം. പാക് എ ടീമിനെതിരേ ഇന്ത്യ എ ആദ്യം ഫീൽഡ് ചെയ്യും. ടോസ് നേടിയ പാക് എ ബാറ്റിങ് തിരഞ്ഞെടുത്തു. ഇന്ത്യൻ ടീമിൽ മാറ്റമില്ല.
നേപ്പാളിനെതിരേ വൻജയം നേടിയതിന്റെ ആവേശത്തിലാണ് ഇന്ത്യ അയൽപ്പോരിന് ഇറങ്ങുന്നത്. 306 റൺസിനായിരുന്നു ജയം. 332 റൺസടിച്ച ഇന്ത്യ നേപ്പാളിനെ 26 റൺസിന് പുറത്താക്കി. ശക്തമായ നിരയെയാണ് ഇന്ത്യ ടൂർണമെന്റിൽ ഇറക്കുന്നത്. തിലക് വർമ നയിക്കുന്ന ടീമിൽ വൈഭവ് സൂര്യവംശി, അഭിഷേക് ശർമ, കുമാർ കുശാഗ്ര, ആയുഷ് ബദോനി എന്നിവരാണ് ബാറ്റിങ് കരുത്ത്. നേപ്പാളിനെതിരേ തിലകും കുശാഗ്രയും സെഞ്ചുറി നേടിയിരുന്നു. ബൗളിങ്ങിൽ നേപ്പാളിനെതിരേ അഞ്ച് വിക്കറ്റെടുത്ത പ്രിൻസ് യാദവും നാല് വിക്കറ്റെടുത്ത ഹർഷിത് റാണയുമാണ് ശ്രദ്ധാകേന്ദ്രം. .
പാകിസ്താൻ ആദ്യകളിയിൽ യു.എ.ഇ.യെ തോൽപിച്ചിരുന്നു. ക്യാപ്റ്റൻ അബ്ദുൾ സമദ്, ഹസൻ നവാസ്, ഷമ്യാൽ ഹസൻ, ഫർഹാൻ യൂസഫ് എന്നിവരാണ് ബാറ്റിങ് കരുത്ത്. സയിദ് മസൂദ്, സുഫിയാൻ മോക്വീം, അക്വിബ് ജാവേദ് എന്നിവർ ബൗളിങ് പ്രതീക്ഷകളാണ്.
ഇന്ത്യ എ : വൈഭവ് സൂര്യവംശി, അഭിഷേക് ശർമ്മ, ആയുഷ് ബദോനി, തിലക് വർമ്മ, കുമാർ കുശാഗ്ര, റിങ്കു സിംഗ്, സൂര്യാൻഷ് ഷെഡ്ഗെ, ഷഹബാസ് അഹമ്മദ്, വിപ്രജ് നിഗം, ഹർഷിത് റാണ, പ്രിൻസ് യാദവ്
Content Highlights: India and Pakistan match Asia Cup Rising Star Tournament
Published: 22 Nov 2026, 03:22 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented