കെന്നിങ്ടണ്: ഇന്ത്യ-ഇംഗ്ലണ്ട് അഞ്ചാം ടെസ്റ്റിന്റെ രണ്ടാം ദിനം വാക്പോരുമായി ഇംഗ്ലണ്ട് ബാറ്റര് ജോ റൂട്ടും ഇന്ത്യന് പേസര് പ്രസിദ്ധ് കൃഷ്ണയും. മത്സരത്തിന്റെ രണ്ടാം ദിനത്തിലെ രണ്ടാം സെഷനിലാണ് സംഭവം. തര്ക്കം രൂക്ഷമായതോടെ അമ്പയര്മാരടക്കം ഇടപെട്ടു. ഇതിന്റെ വീഡിയോ പുറത്തുവന്നിട്ടുണ്ട്.
ഇംഗ്ലണ്ട് ഇന്നിങ്സിന്റെ 22-ാം ഓവറിലാണ് സംഭവം. പ്രസിദ്ധ് കൃഷ്ണ എറിഞ്ഞ അഞ്ചാം പന്തില് റൂട്ടിന് റണ്ണെടുക്കാന് സാധിച്ചില്ല. പിന്നാലെ ബൗളര് റൂട്ടിനെ നോക്കി എന്തൊക്കെയോ പറഞ്ഞു. റൂട്ടും താരത്തിന് മറുപടി നല്കി. അടുത്ത പന്തില് റൂട്ട് ഫോറടിക്കുകയും ചെയ്തു. ശേഷം താരങ്ങള് നേര്ക്കുനേര് നിന്ന് വാക് തര്ക്കത്തിലേര്പ്പെട്ടു. തര്ക്കം രൂക്ഷമായതോടെ അമ്പയര്മാരടക്കം ഇടപെട്ടു.
ആദ്യ ഇന്നിങ്സില് 29 റണ്സാണ് റൂട്ടിന്റെ സമ്പാദ്യം. താരത്തെ സിറാജ് എള്ബിഡബ്ല്യുവില് കുരുക്കുകയായിരുന്നു. നിലവിൽ ഏഴുവിക്കറ്റ് നഷ്ടത്തിൽ 231 റൺസെന്ന നിലയിലാണ് ഇംഗ്ലണ്ട്. ആദ്യ ഇന്നിങ്സിൽ ഇന്ത്യ 224 റൺസിന് പുറത്തായിരുന്നു.
Content Highlights: India Pacer In Heated Spat With Joe Root test match
Published: 01 Aug 2025, 09:08 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented