ലണ്ടന്: മുന് ഇംഗ്ലണ്ട് ബാറ്റര് വെയ്ന് ലാര്കിന്സ് അന്തരിച്ചു. 71 വയസ്സായിരുന്നു. ഇംഗ്ലണ്ടിനുവേണ്ടി 13 ടെസ്റ്റുകളും 25 ഏകദിനങ്ങളും കളിച്ചിട്ടുണ്ട്. 1979-മുതല് 1991 വരെയായിരുന്നു ലാര്കിന്സ് ഇംഗ്ലീഷ് ക്രിക്കറ്റില് നിറഞ്ഞുനിന്നത്.
ആഭ്യന്തര ക്രിക്കറ്റില് നോര്ത്താംപ്ടണ്ഷെയറിന് വേണ്ടിയാണ് ലാര്കിന്സ് കരിയറിലെ ഭൂരിഭാഗവും കളിച്ചത്. എഴുന്നൂറിലധികം മത്സരങ്ങള് ടീമിന് വേണ്ടി കളിച്ചിട്ടുണ്ട്. പിന്നീട് ഡെര്ഹാമിനായും കളിച്ചു. കരിയറില് 85 സെഞ്ചുറികളുള്പ്പെടെ 40,000-ലധികം റണ്സ് ലാര്കിന്സ് നേടിയിട്ടുണ്ട്.
താരത്തിന്റെ കരിയറിലെ രണ്ടാം മത്സരം തന്നെ 1979-ലെ ലോകകപ്പ് ഫൈനലായിരുന്നു. എന്നാല് ലാര്കിന്സ് ഉള്പ്പെട്ട സംഘത്തിന് അന്ന് വിജയിക്കാനായില്ല. ഇംഗ്ലണ്ടിനെ തോല്പ്പിച്ച് വിന്ഡീസ് കിരീടം നേടി. കരിയറില് മൂന്നുവര്ഷം വിലക്ക് നേരിട്ടത് രാജ്യാന്തര കരിയറില് വിലങ്ങുതടിയായി. 1982-ല് നടന്ന അനൗദ്യോഗിക ദക്ഷിണാഫ്രിക്കന് റെബല് ടൂറില് പങ്കെടുത്തതിനാണ് വിലക്ക് ലഭിച്ചത്.
Content Highlights: Former England batter Wayne Larkins passes away
Published: 29 Jun 2025, 06:11 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented