പാരീസ്: ഒളിമ്പിക്സ് ബാഡ്മിന്റണ് പുരുഷ സിംഗിള്സില് ഇന്ത്യയുടെ ലക്ഷ്യ സെന് ഫൈനല് കാണാതെ പുറത്ത്. സെമിയില് ലോകറാങ്കിങ്ങില് രണ്ടാംസ്ഥാനത്തുള്ള ഡെന്മാര്ക്കിന്റെ വിക്ടര് അക്സെല്സനോട് നേരിട്ടുള്ള ഗെയിമുകള്ക്കായിരുന്നു (22-20, 21-14) ഇന്ത്യന് താരത്തിന്റെ തോല്വി. ടോക്യോ ഒളിമ്പിക്സില് സ്വര്ണവും റിയോയില് വെങ്കലവും നേടിയ താരമാണ് അക്സെല്സന്.
ആദ്യ ഗെയിമില് 5-0ന്റെ ലീഡെടുത്ത അക്സെല്സനെതിരേ തകര്പ്പന് തിരിച്ചുവരവ് നടത്തി ലീഡെടുത്ത ലക്ഷ്യ പക്ഷേ പിന്നീട് ആ ഗെയിം 22-20ന് തോറ്റു. രണ്ടാം ഗെയിമിന്റെ തുടക്കത്തിലും ലക്ഷ്യയായിരുന്നു മുന്നില്. എന്നാല് മികച്ച തിരിച്ചുവരവ് നടത്തിയ ഡെന്മാര്ക്ക് താരം ഒടുവില് 22-14-ന് ഗെയിം സ്വന്തമാക്കി കലാശപ്പോരിന് ടിക്കറ്റെടുത്തു. ലക്ഷ്യയ്ക്ക് ഇനി വെങ്കല മെഡലിനായി മത്സരിക്കാം.
ഇത്തവണ മികച്ച ഫോമില് കളിച്ച ശേഷമാണ് ലക്ഷ്യ മടങ്ങുന്നത്. ജോനാഥന് ക്രിസ്റ്റി, എച്ച്.എസ്. പ്രണോയ്, ചൗ ടിയാന് ചെന് എന്നീ വമ്പന്മാരെ കീഴടക്കിയായിരുന്നു താരത്തിന്റെ മുന്നേറ്റം.
Content Highlights: paris olympics 2024 lakshya sen loses to world no 2 viktor axelsen
Published: 04 Aug 2024, 04:34 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented