പാരീസ്: ഒളിമ്പിക്സ് പുരുഷ സിംഗിള്സ് ബാഡ്മിന്റണില് ആദ്യ മത്സരത്തില് മലയാളി താരം എച്ച്.എസ്. പ്രണോയ്ക്ക് വിജയം. ജര്മനിയുടെ ഫാബിയന് റോത്തിനെ നേരിട്ടുള്ള സെറ്റുകള്ക്കാണ് തകര്ത്തത്. 21-18, 21-12 എന്ന സ്കോറിനാണ് ജയം. ആദ്യ ഗെയിം 23 മിനിറ്റിലും രണ്ടാം ഗെയിം 22 മിനിറ്റിലും അവസാനിപ്പിച്ചു. ആകെ 45 മണിക്കൂര് നീണ്ടുനിന്ന പോരാട്ടത്തിനൊടുവിലാണ് പ്രണോയ്യുടെ ജയം.
2023-ല് ബി.ഡബ്ല്യു.എഫ്. ലോക ടൂറില് കന്നിക്കിരീടം, ലോകചാമ്പ്യന്ഷിപ്പില് വെങ്കലം, ഏഷ്യന് ഗെയിംസില് വെങ്കലം എന്നിവ നേടിയിരുന്ന പ്രണോയ്ക്ക് 2024-ല് ആരോഗ്യപ്രശ്നങ്ങള് കടുത്ത വെല്ലുവിളിയുയര്ത്തിയിരുന്നു. തുടര്ന്നാണ് ഒളിമ്പിക്സിനെത്തുന്നത്.
വനിതാ സിംഗിള്സില് നേരത്തേ പി.വി. സിന്ധുവും ജയിച്ചിരുന്നു. മാലദ്വീപിന്റെ ഫാത്തിമത് അബ്ദുല് റസാഖിനെതിരേ 30 മിനിറ്റ് പോലും സമയമെടുക്കാതെയാണ് സിന്ധുവിന്റെ ജയം. 21-9, 21-6 നാണ് സിന്ധുവിന്റെ ജയം.
Content Highlights: badminton hs prannoy wins opener at paris olympics
Published: 28 Jul 2024, 10:30 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented