ന്യൂഡല്ഹി: ഇത്തവണത്തെ ഐപിഎല്ലിനു ശേഷം ചെന്നൈ സൂപ്പര് കിങ്സ് ക്യാപ്റ്റന് എം.എസ് ധോനി വിരമിക്കണമെന്ന് മുന് ഓസ്ട്രേലിയന് ക്രിക്കറ്റ് താരവും കമന്റേറ്ററുമായ ആദം ഗില്ക്രിസ്റ്റ്. ക്രിക്ബസിന്റെ ഒരു പരിപാടിയില് സംസാരിക്കുകയായിരുന്നു അദ്ദേഹം.
കൈത്തണ്ടയ്ക്ക് പരിക്കേറ്റ് പുറത്തായ ഋതുരാജ് ഗെയ്ക്വാദിന്റെ അഭാവത്തില് ഇപ്പോള് ചെന്നൈ സൂപ്പര് കിങ്സിനെ നയിക്കുന്നത് 43-കാരനായ ധോനിയാണ്. പക്ഷേ, ചെന്നൈയുടെ പ്ലേ ഓഫ് പ്രതീക്ഷകള് ഏതാണ്ട് അസ്തമിച്ചു കഴിഞ്ഞു. ഒമ്പത് കളികളില് വെറും രണ്ട് ജയം മാത്രമുള്ള ചെന്നൈ പോയന്റ് പട്ടികയില് അവസാന സ്ഥാനത്താണ്.
ധോനി ഐപിഎല്ലിന്റെയും ലോക ക്രിക്കറ്റിന്റെയും ഒരു ഐക്കണാണെന്നും അദ്ദേഹത്തിന് ഇനി ഒന്നും തെളിയിക്കാനില്ലെന്നും ഗില്ക്രിസ്റ്റ് വ്യക്തമാക്കി. പഞ്ചാബ് കിങ്സിനെതിരായ ചെന്നൈയുടെ മത്സരത്തിനു മുമ്പ് സംസാരിക്കുകയായിരുന്നു അദ്ദേഹം.
''കളിയില് ഇനി ധോനിക്ക് ആരോടും ഒന്നും തെളിയിക്കാനില്ല. എന്തുചെയ്യണമെന്ന് അദ്ദേഹത്തിന് അറിയാം. പക്ഷേ ഭാവിയില്, അടുത്ത വര്ഷം അദ്ദേഹം ഇവിടെ ഉണ്ടാകേണ്ടതില്ല. എനിക്ക് നിങ്ങളെ ഇഷ്ടമാണ് എംഎസ്, നിങ്ങള് ഒരു ചാമ്പ്യനും ഒരു ഐക്കണുമാണ്'', ഗില്ക്രിസ്റ്റ് പറഞ്ഞു.
Content Highlights: Adam Gilchrist suggests MS Dhoni retire after this IPL season, believing he has nothing left to prov
Published: 30 Apr 2025, 05:32 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented