ന്യൂഡല്‍ഹി: ചെന്നൈ സൂപ്പര്‍ കിങ്‌സ് ബാറ്റിങ് സൂപ്പര്‍ താരം ശിവം ദുബെയെ വരാനിരിക്കുന്ന ടി20 ലോകകപ്പിനുള്ള ഇന്ത്യന്‍ ടീമില്‍ ഉള്‍പ്പെടുത്തണമെന്ന ആവശ്യവുമായി മുന്‍ താരം യുവരാജ് സിങ്. ചെന്നൈ സൂപ്പര്‍ കിങ്‌സില്‍ ഇത്തവണ മിന്നും ഫോമിലാണ് ദുബെ. വെള്ളിയാഴ്ച ഹൈദരാബാദിനെതിരേ നടന്ന മത്സരത്തില്‍ 24 പന്തുകളില്‍ 45 റണ്‍സ് നേടിയ ദുബെയാണ് ചെന്നൈയുടെ ടോപ് സ്‌കോറര്‍. നാല് സിക്‌സും രണ്ട് ഫോറും പിറന്ന ഇന്നിങ്‌സാണിത്.
ദുബെയുടെ ഇന്നിങ്‌സ് കണ്ട് ആകൃഷ്ടനായ യുവരാജ്, ദുബെയെ ടി20 ലോകകപ്പിനുള്ള ഇന്ത്യന്‍ ടീമില്‍ ഉള്‍പ്പെടുത്തണമെന്നും മത്സരം മാറ്റിമറിക്കാന്‍ ദുബെയ്ക്ക് കഴിയുമെന്നും വ്യക്തമാക്കി. സാമൂഹിക മാധ്യമമായ എക്‌സിലാണ് യുവരാജ് ഇക്കാര്യം പങ്കുവെച്ചത്. മറ്റൊരു മുന്‍ ഇന്ത്യന്‍ താരമായ ഇര്‍ഫാന്‍ പത്താനും ദുബെയെ ലോകകപ്പ് ടീമിലേക്ക് പരിഗണിക്കണമെന്ന ആവശ്യവുമായെത്തി. സ്പിന്‍ ബൗളര്‍മാരെ പ്രഹരിക്കാനുള്ള ദുബെയുടെ പ്രത്യേകമായ കഴിവും ഇര്‍ഫാന്‍ ചൂണ്ടിക്കാട്ടി.
ശിവം ദുബെയുടെ ഇന്നിങ്‌സിന്റെ ബലത്തില്‍ ഹൈദരാബാദിനെതിരേ 165 റണ്‍സാണ് ചെന്നൈ നേടിയത്.
Content Highlights: yuvraj want shivam dube to play t20 world cup
Published: 05 Apr 2024, 09:53 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented