ബെംഗളൂരു: ചിന്നസ്വാമി സ്റ്റേഡിയത്തിലെ ആരാധകര്ക്ക് തുടര്ച്ചയായ രണ്ടാം മത്സരത്തിലും ത്രസിപ്പിക്കുന്ന അനുഭവങ്ങള് സമ്മാനിച്ച് ബെംഗളൂരു താരം വിരാട് കോലി. ഹോം ഗ്രൗണ്ടിലെ തുടര്ച്ചയായ രണ്ടാം മത്സരത്തിലും കോലി അര്ധ സെഞ്ചുറി നേടി ടീമിന്റെ നെടും തൂണായി പ്രവര്ത്തിച്ചു. നാല് വീതം സിക്സും ഫോറും ഉള്പ്പെടെ 59 പന്തില് 83 റണ്സാണ് പുറത്താവാതെ കോലി നേടിയത്.
ഇതേ വേദിയില് നടന്ന കഴിഞ്ഞ മത്സരത്തില് പഞ്ചാബ് കിങ്സിനെതിരേ 49 പന്തില് 77 റണ്സാണ് കോലി നേടിയത്. ഇതോടെ 181 റണ്സുമായി ഓറഞ്ച് ക്യാപ്പിനായുള്ള പോരാട്ടത്തില് ഹൈദരാബാദിന്റെ ഹെന്റിച്ച് ക്ലാസനെ മറികടന്ന് കോലി ഒന്നാമതെത്തി. 143 റണ്സുമായി ക്ലാസന് രണ്ടാമതും 127 റണ്സുമായി റിയാന് പരാഗ് മൂന്നാമതുമാണ്.
റോയല് ചലഞ്ചേഴ്സ് ബെംഗളൂരുവിന് വേണ്ടി ഏറ്റവും കൂടുതല് സിക്സുകള് നേടിയ താരമെന്ന റെക്കോഡും കോലി സ്വന്തം പേരില് ചേര്ത്തു. 240 സിക്സുകളാണ് കോലി നേടിയത്. ചക്രവര്ത്തി എറിഞ്ഞ 12-ാം ഓവറിലെ രണ്ടാം പന്ത് സിക്സിനു പറത്തിയാണ് കോലിയുടെ നേട്ടം. 239 സിക്സ് നേടിയ ക്രിസ് ഗെയിലിനെയും 238 സിക്സ് നേടിയ എ ബി ഡിവില്ലിയേഴ്സിനെയുമാണ് മറികടന്നത്.
Content Highlights: rcb player virat kohli against kkr ipl 2024
Published: 29 Mar 2024, 09:38 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented