ന്യൂഡല്‍ഹി: ഞായറാഴ്ച ലഖ്‌നൗ സൂപ്പര്‍ ജയന്റ്‌സ് - ഗുജറാത്ത് ടൈറ്റന്‍സ് മത്സരത്തിനിടെ ലഖ്‌നൗ താരം മായങ്ക് യാദവ് കളം വിട്ട് പോയിരുന്നു. ഒരോവര്‍ മാത്രമാണ് മായങ്കിന് എറിയാനായത്. ആ ഓവറിനിടെത്തന്നെ ശരീരത്തില്‍ വേദന അനുഭവപ്പെടുകയും തുടര്‍ന്ന് ടീം ഫിസിയോക്കൊപ്പം ഗ്രൗണ്ട് വിടുകയുമായിരുന്നു.
ഐ.പി.എലില്‍ മണിക്കൂറില്‍ 156.7 കിലോമീറ്റര്‍ വേഗത്തില്‍ വരെ പന്തെറിഞ്ഞ താരത്തിന് ഞായറാഴ്ച നടന്ന മത്സരത്തില്‍ രണ്ട് തവണ മാത്രമാണ് 140-ല്‍പ്പരം വേഗത്തില്‍ എറിയാനായത്. സംഭവത്തെക്കുറിച്ച് വിശദീകരണവുമായി രംഗത്തെത്തിയിരിക്കുകയാണിപ്പോള്‍ ലഖ്‌നൗ ടീമിലെ സഹതാരവും ഓള്‍ റൗണ്ടറുമായ ക്രുണാല്‍ പാണ്ഡ്യ. താരത്തെ ബന്ധപ്പെട്ടിരുന്നെന്നും ആശങ്കപ്പെടേണ്ട സാഹചര്യമില്ലെന്നും ക്രുണാല്‍ പറഞ്ഞു.
ഐ.പി.എലില്‍ ഇരുപത്തൊന്നുകാരനായ മായങ്ക് യാദവ് ഈ സീസണിലാണ് അരങ്ങേറ്റം കുറിക്കുന്നത്. ആദ്യ രണ്ട് മത്സരങ്ങളിലും മൂന്ന് വീതം വിക്കറ്റുകള്‍ നേടി മായങ്ക് തന്റെ വരവറിയിച്ചു. കൂടാതെ സീസണില്‍ ഏറ്റവും വേഗമേറിയ പന്തെറിഞ്ഞതും മായങ്ക് തന്നെ. 156.7 കിലോമീറ്റര്‍ / മണിക്കൂര്‍ വേഗത്തിലാണ് മായങ്ക് പന്തെറിഞ്ഞത്.
Content Highlights: mayank yadav injury krunal pandya says
Published: 08 Apr 2024, 02:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented