കൊല്‍ക്കത്ത: ഐപിഎല്ലില്‍ റോയല്‍ ചലഞ്ചേഴ്‌സ് ബാംഗ്ലൂരും ലഖ്‌നൗ സൂപ്പര്‍ ജയന്റ്‌സും തമ്മില്‍ നടന്ന എലിമിനേറ്റര്‍ മത്സരം കാണാന്‍ ബിസിസിഐ പ്രസിഡന്റ് സൗരവ് ഗാംഗുലിയും സെക്രട്ടറി ജയ് ഷായും എത്തിയിരുന്നു. മത്സരത്തിനിടെ പലപ്പോഴും ക്യാമറ കണ്ണുകള്‍ ഇരുവരെയും ഒപ്പിയെടുത്തുകൊണ്ടിരുന്നു.
ബാംഗ്ലൂര്‍ ഇന്നിങ്‌സിനിടെ വിരാട് കോലി ഒരു കിടിലന്‍ ഫ്‌ളിക് ഷോട്ടിന് ഇരുവരുടെയും ഭാഗത്തുനിന്നുണ്ടായ പ്രതികരണം ഇപ്പോള്‍ സോഷ്യല്‍ മീഡിയയില്‍ വൈറലാകുകയാണ്.
ദുഷ്മാന്ത ചമീരയെറിഞ്ഞ രണ്ടാം ഓവറിലെ ആദ്യ പന്ത് കോലി ഒരു കിടിലന്‍ ഫ്‌ളിക്കിലൂടെ ബൗണ്ടറികടത്തിയത് കണ്ട് ജയ് ഷാ അടക്കം സ്റ്റേഡിയം ഒന്നടങ്കം കൈയടിച്ചുപോയി. തന്റെ പ്രതാപകാലത്തെ ഓര്‍മിപ്പിക്കുന്ന തരത്തിലുള്ള ഒരു ഷോട്ടാണ് കോലിയുടെ ബാറ്റില്‍ നിന്ന് പിറന്നത് എന്നതു തന്നെയായിരുന്നു ഇതിന് കാരണം.
എന്നാല്‍ ഈ ഷോട്ടിന് ജയ് ഷാ കൈയടിച്ചെങ്കിലും തൊട്ടടുത്തിരുന്ന ഗാംഗുലി അതിന് തയ്യാറായില്ല. എന്നാല്‍ മികച്ച ഷോട്ടാണെന്ന തരത്തില്‍ ഗാംഗുലി ഷായോട് പ്രതികരിക്കുന്നത് ക്യാമറകള്‍ ഒപ്പിയെടുത്തു. കോലിയുടെ ഈ ഷോട്ടും അതിനുള്ള ഗാംഗുലിയുടെ പ്രതികരണവുമടങ്ങുന്ന വീഡിയോ സോഷ്യല്‍ മീഡിയയില്‍ ഇതിനോടകം തന്നെ വൈറലായിക്കഴിഞ്ഞു.
Content Highlights: ipl 2022 Sourav Ganguly s Reaction on Virat Kohli s flick goes Viral
Published: 26 May 2022, 03:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented