അഹമ്മദാബാദ്: ഐപിഎല്‍ രണ്ടാം ക്വാളിഫയറില്‍ രാജസ്ഥാന്‍ റോയല്‍സിനോട് പരാജയപ്പെട്ടതിനു പിന്നാലെ റോയല്‍ ചലഞ്ചേഴ്‌സ് ബാംഗ്ലൂര്‍ താരം മുഹമ്മദ് സിറാജിനെ തേടിയെത്തിയത് നാണക്കേടിന്റെ റെക്കോഡ്.
ഒരു ഐപിഎല്‍ സീസണില്‍ ഏറ്റവും കൂടുതല്‍ സിക്‌സറുകള്‍ വഴങ്ങുന്ന ബൗളറെന്ന നാണക്കേട് സിറാജിന് സ്വന്തമായിരിക്കുകയാണ്. ഈ സീസണില്‍ 15 കളികളില്‍ നിന്ന് 31 സിക്‌സറുകളാണ് സിറാജ് വഴങ്ങിയത്. 2018-ല്‍ 16 മത്സരങ്ങളില്‍ നിന്ന് 29 സിക്‌സറുകള്‍ വഴങ്ങിയ ചെന്നൈ സൂപ്പര്‍ കിങ്‌സ് താരം ഡ്വെയ്ന്‍ ബ്രാവോയുടെ പേരിലായിരുന്നു ഈ നാണക്കേട് ഇതുവരെ. യുസ്‌വേന്ദ്ര ചാഹല്‍ (2015-ല്‍ 14 കളികളില്‍ നിന്ന് 28 സിക്‌സറുകള്‍), വാനിന്ദു ഹസരംഗ (2022-ല്‍ 16 കളികളില്‍ നിന്ന് 28 സിക്‌സറുകള്‍) എന്നിവരാണ് ഈ പട്ടികയില്‍ പിന്നീടുള്ളവര്‍.
രാജസ്ഥാനെതിരേ കഴിഞ്ഞ ദിവസം നടന്ന മത്സരത്തില്‍ ആദ്യ ഓവറില്‍ തന്നെ ഓപ്പണര്‍ യശസ്വി ജയ്‌സാള്‍ സിറാജിനെതിരേ രണ്ടു സിക്‌സും ഒരു ബൗണ്ടറിയും നേടി. രണ്ടാം ഓവറില്‍ പിറന്നത് ഒരു സിക്‌സും രണ്ട് ബൗണ്ടറികളും. ഇതോടെ ആദ്യ സ്‌പെല്ലില്‍ തന്നെ സിറാജ് 31 റണ്‍സ് വഴങ്ങി. ഈ സീസണില്‍ 15 കളികളില്‍ നിന്ന് ഒമ്പത് വിക്കറ്റുകള്‍ മാത്രമാണ് സിറാജിന് നേടാനായത്.
Content Highlights: ipl 2022 Mohammed Siraj sets unwanted record
Published: 28 May 2022, 11:47 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented